Page 54 - MIN VOS FLIP 5th JUNE 2017

Logros ta derota Spuiters 2 logrando nan segundo victoria
den 2 salida

Sunday, 04 June 2017 10:03
Comparti

Campeonato HEINEKEN di Aruba Softball Bond dedica na dos baluarte Sra. Bertha Wolf Croes y Eugenio “Tan”
Helder a continua riba veld di Flatstone diabierna ultimo. Diasabra ultimo riba veld di Pos Chiquito e muchanan di
Logros den categoría di A-Klas, un miembro nobo di ASB, ta gana Spuiters 2 cu trankilidad.

Logros 9 careda, 8 hit, 0 error. Spuiters 2 tabata tin 3 careda, 8 hit, 2 error. Juan Chirino ta bay e ruta completo
regalando 3 base por bola seyando e victoria riba su nomber. Bryan Courtar ta resulta pitcher perdedor regalando 5
base por bola y recibiendo relevo di Oslin Bergrok. Mihor bateadornan pa Logros a resulta Miliadez German 2-2,
Manuel Matos 1-1 y Eldrick Maduro di 3-2. Pa Spuiters 2 a destaca na paltp den causa perdi Bryan Courtar 3-3
incluyendo un cuadrangular, Giovany Maduro 2-2. Lorenzo Maduro tambe a conecta un homerun pa Spuiters 2.
Weganan di softball organisa ta continua e siman aki dialuna 715pm na Pos Chiquito Blackhawks vs Logros y pa 9pm
Predators vs Spuiters 2. Diaranson 7 di Juni pa 715pm na Dragon Hitters Barcadera Mariners vs Spuiters den nan
doublé header den categoría AA. Diabierna 9 di Juni doublé header Royal Power Tat Fat Home Depot vs Balashi
Premuim na Flatstone. Diasabra y diadomingo tambe lo bay tin wega. Pues Juni lo ta carga cu weganan official pa cu
camepoanto di ASB. Softball a la carga!!!