Page 77 - MIN VOS FLIP 5th JUNE 2017

Royal Power Tat Fat Home Depot ta derota Macuarima
Indians den dos tremendo wega

Sunday, 04 June 2017 10:00
Comparti

Campeonato HEINEKEN di Aruba Softball Bond dedica na dos baluarte Sra. Bertha Wolf Croes y Eugenio “Tan”
Helder a continua riba veld di Flatstone diabierna ultimo. Den categoria AA masculino e equipo campeon di 2016
esta Royal Power Tat Fat Home Depot a enfrenta e fuerte equipo di Macuarima Indians den nan promer double
header di temporada.

Royal Power Tat Fat ta pica ariba 2-0 y dado momento tabata gana 4-2. Macuarima Indians cu no kier a give up y a
empata e wega na 4. Royal Power Tat Fat Home Depot ta traha duro pa finalmente laga Macuarima Indians den
tereno 5-4. Royal Power Tat Fat 5 careda, 6 hit, 2 error. Macuarima Indians 4 careda, 1 hit, 2 error. Jair Thompson ta
habri pa Royal Power tirando 9 base por bola ta wordo releva pa Kelvin Silvania kende na su turno ta wordo releva
pa Jomark Flanegin. Jomark Flanegin ta resulta pitcher ganador. E veterano Lucio Geerman por mira atrás riba un
tremendo actuación regalando solamente 2 base por bola pero mester conforma su mes cu e derota. Giandrick Lacle
a bay di 1-1 pa Royal Power Tat Fat Home Depot. Pa Macuarima Indians a destaca na bate den causa perdi Ingomar
Flanegin kende a conecta e unico hit pa su equipo y a bay di 3-1. Mesora a inicia e segundo partido entre e dos
equiponan aki. Den di dos wega Royal Power Tat Fat Home Depot a baha mucho mas fuerte y ta knock out
Macuarima Indians 14-3. Royal Power Tat Fat Home Depot 14 careda, 14 hit, 0 error, Macuarima Indians 3 careda, 3
hit, 2 error. Jomark Flanegin ta bay e ruta completo regalando 3 base por bola ta seya e victoria riba su nomber.
Benjamin Geerman kende ta wordo releva pa Lucio Geerman den di 4 entrada ta resulta pitcher perdedor. Mihor
bateadornan pa Royal Power Tat Fat Home Depot ta Aigil Brete 1-1, Luis Pelayo 4-3 incluyendo 2 cuadrangular,
Dayson Croes 2-2 y Kelvin “The Beast” Silvania di 3-3. Pa Macuarima Indians a destaca na plato den casua perdi
Jermain Ras 1-1, Carlos Mejia y Lucio Geerman ambos di 2-1. Weganan di campeonato oficial ta continua
dialuna,diabierna, diasabra y diadomingo awor. Campeonato den pleno desaroyo.