Page 8 - Djamars 12 yuni 2018.pdf

8 Djamars 12 Yüni 2018
Búskeda formal pa grupo

di persona indokumentá

WILLEMSTAD.-
Outoridatnan ta kontinuá
ku búskeda intensivo di
personanan indokumentá
riba nos isla.

Ayera un biaha mas
e tim di mantenshon di
Orden Públiko a bai na
Buena Vista den área
di Grenadaweg despues
di a risibí informashon
ku den e área ei lo
mester tin dos kas den
un kurá ku ta habitá pa
un grupo di personanan
indokumentá.
Na yegada di e
patruyanan a mira un
hòmber saka kareda.
E polisnan na pia
a bai tras di e hòmber
i finalmente a detené
i mesora a tuma nota
ku e no tabatin ningun
dokumento huntu kuné.
E hòmber a indiká
na polisnan ku e no por
drenta e kas debí ku su
otro kompañeronan no a
yega kas i ta nan tin yabi.
Mas aleu e hòmber no
kier a papia nada mas i
tur kos e tabata respondé
outoridatnan “I don’t
know”.
Despues di un ratu di
búskeda outoridatnan
no a logra topa ku niun
hende mas i a opta pa
bai warda di polis ku
e hòmber i a entreg’é
na departamento di
imigrashon pendiente su
deportashon.

...E hòmber ku no tabata sa nada pero awor lo bai keda
deportá...