Page 3 - AHATA FEB 21 2022

6|Dialuna, 21 di Februari 2022

Un weekend grandi tras di lomba

pa recuperacion di nos turismo

Minister di Turismo y Salud Publico,
sr. Dangui Oduber, den luna di janua-
ri caba a anuncia Aruba su exit strategy
pa por bolbe bek na normalidad. E exit
strategy aki tabata hopi importante pa
Aruba su recuperacion di turismo.
A percura pa flexibilisa e ‘’inreisbeleid”
p’asina por percura asina atrae mas tu-
rista. E variante Omikron tabatin su efec-
to riba Aruba su turismo y a sinti esaki
den luna di januari 2022. A proyecta cu
pa aña 2022 lo tin un recuperacion di
entre 85% pa 100% di turismo den com-
paracion cu aña 2019 cu tabata Aruba
su mihor aña den historia.
Un highlight den luna di januari 2022
sigur tabata e hecho cu no obstante un
caida den turismo di cantidad di bishi-
tante, tog a mira un recuperacion di 79%
di e ‘’tourism receipt” cu t’e indicador di
mas importante pa midi calidad di turis-
tanan.
Siman pasa Gobierno a tuma e decision
cu Aruba ta bolbe bek na normalidad y
asina elimina tur restriccion cu tabata
existi. Cu esaki e focus ta pa Aruba focus
riba recuperacion di turismo p’asina re-
cupera e economia y crea oportunidad-
nan cu pais Aruba tin mester di dje.
Diasabra a yega un total di 5316 turista
via nos Aeropuerto di cual 4384 tabata
procedente di Estados Unidos cu ta nos
mercado di mas importante, sigur un
diasabra grandi pa recuperacion di nos
turismo. Awe dialuna Merca tin un dia
liber, debi na Presidential Day y como
tal bin hopi hende ta biahando. Diado-
mingo tabata Celebrity Sunday caminda
nos porta maritimo a celebra cu yegada
di dos barco crucero di Celebrity Crui-
ses. Tur esaki ta crea e perspectiva cu
nos mester di dje. Nos ta mira tambe cu
e ‘’load factors” nan di avionnan ta su-
biendo y ta yegando rond di 70% caba.
Aerolineanan ta manteniendo nan ca-
pacidad di asiento cu a reserva pa Aru-
ba. Esaki sigur ta demostra e confianza
cu aerolineanan tin den prodcuto Aru-
ba.Minister di Turismo y Salud Publico
sr. Dangui Oduber ta satisfecho di mira
un weekend caminda hopi turista a yega
nos isla, sea ta via nos aeropuero of cru-
cero. Un weekend cu hopi trabou pa nos
taxista, tour operators, restaurant y tien-
danan. Turismo ta keda e driver princi-
pal di nos economia.