Page 14 - MIN VOS
P. 14
Atletanan di karate a logra varios medaya den e New York International Open di
KARATE 2016
Wednesday, 16 March 2016 15:32
Comparti
Recientemente e seleccion di karate di Aruba atende un competencia na e ciudad di New York, Merca.
Esaki den e prestigioso torneo New York International Open KARATE 2016.
Un total di 6 atleta mas dos coach y un oficial a representa nos isla den e Open aki. Mester bisa cu e
campeonato tabata uno grandi y a conta cu participacion di paisnan manera Republica Dominicana,
Puerto Rico, Montenegro, Canada, Island of Guadalupe, Trinidad, Scotland, Nepal, India, Uruguay,
Georgia, Haiti, Venezuela y Merca.
Alrededor di 600 competidor a asisti na e campeonato di karate. Pa loke ta e prestacion di nos atletanan
nos tin cu bisa cu nan a logra haci un tremendo prestacion caminda a logra triunfa cu dos medaya di Plata
y un medaya di Brons. Mirando e cantidad di competidor como tambe e nivel halto di e competencia e no
tabata facil pa nos selecionadonan di karate. No obstante di esaki, nos atletanan a bataya y mustra cu e
deporte di karate na Aruba ta den bon direccion y cu nos por logra gana premio den torneonan grandi. Na
banda di e competencia dos sensei di Aruba esta Felix Tromp y José Vivas a participa den forma existoso
na un seminario di arbitrahe den e deporte arte marcial.
E atletanan cu a representa Aruba den e New York International Open KARATE 2016 tabata D’quan
Ruiz cu a logra medaya di Plata Kumite y medaya di Plata Kata, Jefferson Valdez cu a logra medaya di
Brons, Miguel Giraldo, Jada van Heiningen, Kyran Tromp y Kevin Lugo. Como coach a fungi Sensei Felix
Tromp y Sra. Geraldine Gomes, mientras e referee/hues tabata Sensei José Vivas.
Un danki sigur na Lotto, e Loteria di Aruba pa medio di Comision di Subsidio cu a yuda subsidia cierto
gastonan pa cu e biahe di nos atletanan di karate pa e New York International Open KARATE 2016.
Cumprando weganan di Lotto, e Loteria di Aruba manera Catochi, Big 4, Zodiac, Wega di Number
Korsou, Lotto di Dia, Lotto 5, Mini Mega, Mega Plus y weganan di Raspa bo ta contribui na deporte riba
nos isla. Meta di e fundacion ta pa organisa loteria, cambia bida di su hungadonan y na mes momento
inverti den deporte local pa medio di donacionnan na e Comision di Subsidio.
