Page 36 - Extra

36 Djamars 15 Mart 2016

...Den un karta
di sr. Konket...
DESISHONNAN

KONTRADIKTORIO
DI KONSEHO
DI MINISTER

WILLEMSTAD.-
Parlamento resientemente
por a tuma nota di kopia
di e desishon di 11 di
aprel 2011 di Konseho
di Minister enkuanto un
posibel otorgamentu di un
konseshon nobo na CPS i
AGT. E desishon di 11 di
aprel 2011 aki ta enserá
instrukshon na CPA pa
perkurá pa e konseshon
nobo i kombenionan di hür
tin un durashon di 5 pa 10
aña, anto sin ku CPS i/o
AGT ta haña ningun forma
di derecho di eksklusividat.
Tambe ta hasi menshon
di e echo ku Konseho di
Minister a duna CPA espasio
pa yega na entendimentu
ku CPS i AGT den kaso ku e
posishon hurídiko di CPS i
AGT ta hasi esei nesesario.
Esaki pa evitá demanda di
kompensashon di daño di
CPS i AGT. Gabinete Schotte,
riba 5 di sèptèmber 2012, lo
a duna su bendishon na un
akuerdo entre CPA i CPS ku
ta enserá entre otro ku:

E eksklusividat ku CPS
tabatin pa hasi trabou
di stiwadó den hafnan
di Kòrsou ta kaduká
inmediatamente;

Un Landsbesluit
houdende algemene
maatregelen (LBHAM)
lo keda trahá kaminda
Gobièrnu ta stipulá
kondishonnan bou di kual
por establesé un terminal pa
kònteiner. Trabou di stiwadó
por ser hasí solamente via
di un terminal pa kònteiner;

Reparashon di ‘kade’
i kompra di kran nobo ta
pa kuenta di CPS (Naf. 50
mion);

Mantenshon regular
di krannan i ‘kade’ ta
pa kuenta di CPS. Den e
kontrato ta stipulá ku CPA
ta aprobá e programa di
mantenshon ku CPS lo
mester mantené nan mes
na dje;

E periodo di konseshon,
mirando e invershon di
máksimo 50 mion florin, ta
20 aña ku e posibilidat pa
ekstendé ku 20 aña. Pues
total 40 aña.

Frakshon di PAR ta
konsiderá e desishonnan
di 2011 i 2012 komo
kontradiktorio i ta deseá

Sigui lesa pagina 41