Page 40 - HOSPITAAL

security por a localisa un di e sospechosonan y esaki a wordo treci dilanti di
polisnan. E security a bay bek ariba tereno di hotel pa busca e otro sospechoso.
Pero esaki a resulta cu e no ta e persona cu cual polisnan tabata tin e carchi di

AZV. Relaciona cu esaki, a bay over na detencion di e homber ANJC pa
falsificacion di documento. E otro homber, AJGL tabata spoorloos. Door di

investigacion a bin haya sa cu e dos hombernan tabata traha pa e contratista
Long Life. E otro homber cu no tabata e sospechoso cu polisnan tabata

buscando, a declara cu e no tabata tin identificacion cun’e. Aki tambe a haci un
investigación caminda a constata cu su permiso a caduca dia 2 december 2017.

Personal di Guarda Nos Costa a pidi pa trece e persona aki tambe pa nan pa
mas investigacion. Mirando cu e otro sospechoso di e carchi di AZV tabata
spoorloos, a pidi pa trece e van di Guarda Costa pa asina transporta e dos

hombernan aki. Un rato despues e doño di Long Life, B. ta yega. El a informa cu
e homber C. ta esun cu ta encarga pa busca personal y cu e sa cu su compania

tin regla. Pero e no tabata na altura cu e reglanan aki a wordo kibra. Polis a
trece na su atencion cu su persona como doño mester zorg pa e reglanna wordo

cumpli cun’e. Tambe polisnan a bis’e pa asina e homber AJGL yega trabao, pa e
trece Warda di Polis. Esaki a wordo bisa tambe na C., ya cu e ta esun encarga

cu personal pa e compania.
E dos cabayeronan aki a wordo transporta pa Guarda Nos Costa. Eynan y den
consulta cu hefe di GNC a dicidi cu AJNC lo wordo persigui penalmente. Pa

esaki, C. a presenta dilanti hues Comisario na warda di Strandpolitie unda el a
keda deteni pa mas investigacion door di recherche.

http://masnoticia.com/ilegal-gara-cu-carchi-di-azv-falsifica/