Page 43 - HOH

ORANJESTAD (AAN): Dialuna mainta den Ballroom di Marriott Hotel a tuma lugar
lanzamento di e programa multi-sectoral di prevencion pa NCD, cu ta Non
Communicable Diseases, esta enfermedadnan no contagioso.

Durante e programa, e coordinador di e proyecto drs. Judelca Briceño a duna un
presentacion, den cual el a splica algun detaye y strategia di e plan.

“Ta trata di un plan di 10 aña, pasobra nos tur sa cu prevencion no ta algo cu por midi

den 1 of 2 aña”.

“Ta tuma un tempo bastante largo prome cu bo por wak e resultadonan, pero nos ta
bay tin un plan pa cada 2 aña”.

Esaki segun Briceño, kende a sigui mustra riba e hecho cu e mortonan causa pa NCD
por wordo preveni.

El a indica cu di 1999 pa 2016 e causa mas grandi di morto bao di hendenan muher na
Aruba ta relaciona cu NCD.

“E mortonan aki por wordo preveni si nos inverti den nos salud”.

Esaki segun e coordinador kende a indica cu pa hende homber NCD tambe ta e
causante principal di morto na Aruba.

Mundialmente esaki ta un problema tambe y pesey WHO, PAHO y CARICOM a reacciona
riba e problema aki.

“E organizacionnan aki a bin cu diferente tipo di plan di prevencion y pesey den e dos

añanan cu ta bin nos ta haya e asistencia di WHO y PAHO pa yuda nos cu nos propio
plan”.

“E plan aki ta hopi importante pasobra e ta conecta cu e Sustainable Development

Goals (SDG) cu ta inclui bon salud y bienestar, cu ta locual nos ta busca”, segun
Briceño.