Page 6 - AWEMAINTA

6 AWEMainta Dialuna, 17 Juli 2017

Rene Herdé na lider di MEP:

Ainda nos
Ainda nos

ta warda
ta warda

bo prueba
bo prueba

ALGUN siman pasa, e lider di MEP a lansa un acusacion baho pero sin presenta niun
preuba. El a bisa cu Gobierno di AVP lo a saca 61 miyon florin for di fondo di pensioen.
Lider di fraccion di AVP, sr. Marlon Sneek y miembro di fraccion Rene Herdé a exigi e
lider di MEP mes ora p’e presenta e prueba di loke el a bisa.
Te awe dialuna, 17 di juli, ainda e lider di MEP no a presenta nada pa prueba loke el a
bisa, pero e ta rabia masha hopi ora hende bis’e cu e ta gaña, segun Rene Herdé.

GAÑAMENTO A BIRA ALGO NORMAL
Mientras cu nos ta renobando e forma di debati opinion y plannan den politica den nos
pais, mientras cu nos ta spera cu tur politico ta comporta transparente y para pa loke
e ta bisa, den e partidonan di oposicion, en particular den MEP, nan ta sigui cu e mal
custumber di bisa kico cu ta y spera cu hende ta kere nan.
Nan ta sigui hunga cu sentimiento di pueblo en bes di papia palabra cla y berdad. Nan
ta sigui lansa tur sorto di storia cu nan mes a inventa contra AVP, pero sin niun prueba,
Herdé ta splica.

E caso di e placa cu nan ta bisa cu a saca di e fondo di pensioen ta djis un di nan. Pero
hende ta corda e storia cu MEP a bisa cu nan tin 7 compania cu kier a habri e refineria,
pero niun a yega di presenta. Nan a bisa cu nan tin compania pa habri 5 hotel di 5
strea na Baby Beach y Roger Beach, pero nunca nan a presenta. Nan a bisa cu nan lo
presenta ley pa proteha mucha contra abuso, y nunca nan a presenta uno. MEP a bisa
cu tin cu hisa e edad di pensioen na 65 aña y despues MEP a purba haci comosifuera
cu nunca nan a bisa esey.

E gañamento den MEP t’asina un mal custumber y malesa, cu di berdad bo no por
confia den nan palabra. Awor ainda ta warda pa haya e prueba di loke e lider di MEP
a bisa over di e placa cu segun e lo a saca di e fondo di pensioen. Nos ta dun’e un tiki
tempo mas p’e para pa loke el a bisa. Si no, atrobe nos lo gar’e ta gaña! Rene Herdé di
AVP ta termina.