Page 10 - AWM 16OCT2017

10 AWEMainta Dialuna, 16 October 2017

Aruba bon representa na Botswana, Africa durante Congreso

Mundial di WBSC World Baseball and Softball Confederation

DURANTE siman cu a pasa tabatin e Congreso
Mundial di Baseball y Softball, esta WBSC cu a tuma
lugar na Botswana, Africa. Un pais sigur hopi leu di
Aruba y pa duna un indicacion di e distancia esnan
cu a bay via New York mester a biaha 15 ora straight
none stop New York pa Johannesburg y despues co-
necta y sigi 1 ora mas pa Botswana.

Ambos deporte ta deportenan hopi gusta y practica
na Aruba y tabata di suma importancia pa Aruba por
a acudi.
Di Aruba Softball Bondm Endy Croes Presidente y
Francisco Chirino, Vice Presidente tabata presente,
mientras di ABBA Reynaldo “Reychi” Geerman,
tesorero tabatey p’e tantisimo trabounan cu a tuma
lugar.

Un congreso masha grandi cu participacion di 200
pais. Tanto representantenan di Softball y Baseball
di Aruba a traha den diferente comision. Finalmente
Softball a eligi su directiva, mientras Baseball tambe
a eligi su directiva den reunionnan maratonico.
Un comision legal di WBSC consistiendo di 1 aboga-
do y 2 hurista tabata esnan encarga pa haci e proceso
aki p’asina esaki por a bay transparente.

Tambe a elimina statutonan di Baseball (IBAF) y
Softball (ISF) pa haci e unificacion mas fuerte y awor
WBSC ta consisti di 1 solo statuto y den e statuto
aki tin 2 parafo identifica como “Code” esta uno ta
“Code” Baseball y e otro ta “Code” Softball y pues
oficialmente 1 solo organisacion cu 2 disciplina.

Despues di a trata hopi punto di agenda a yega na
diferente conclusion final di cual nos lo amplia den un
siguiente comunicacion. Un cos ta sigur pa chiquito
cu Aruba por ta mester bisa cu Aruba tabata sublime
representa.