Page 27 - AWEMAINTA
P. 27
Diabierna, 15 Juni 2018 AWEMainta 27
Programa di henter siman pa sera conoci mihor cu otro
Empleadonan di Dufry encanta cu sesion di “Team Building”
RECIENTEMENTE empleadonan dinamico di Dufry
a participa na un sesion yama “Team Building”, ofreci dor
di Elsa Krozendijk. E sesionnan a tuma lugar den edificio di
ATIA na Dakota y a tuma mas o menos 1 siman di tempo,
pa por a logra haya tur empleado cu ta traha na diferente
tienda durante diferente orario.
E programa extenso a ensera diferente forma p’e emplead-
onan por a sera conoci di serca cu otro, cu calidadnan di
otro y con hunto por ofrece mas y mihor servicio na cliente.
Henter e idea di un programa asina ta pa expone e poten-
cial di cada un empleado dilanti e otro, pa tur ta consciente
cu uni so por logra metanan grandi, tanto individual como
colectivo.
Despues di e siman largo di training, a celebra e final na
Chill Cafe, durante un evento bon atendi, masha ameno
den cual empleadonan por a canta y baila henter anochi.
Dufry Aruba ta existi pa por lo menos 20 aña caba y ta
conta cu 10 tienda den Aeropuerto Internacional Reina
Beatrix, 1 tienda den Caya Betico Croes y 1 tienda den
Royal Plaza.
Hunto nan ta conta cu 80 empleado servicial, cu bon ex-
perencia y conocemento di e productonan varia cu nan ta
bende, dependiendo di cada tienda.
