Page 28 - FDLP
P. 28
E 1/4 marathon ta cuminsa na ELMAR San Nicolas y ta caba na WEB na Balashi. E 5K
ta cuminsa na haltura di Zeerovers na Savaneta y ta caba dilanti WEB na Balashi.
Inscripcion a habri desde 18 di juli online via kwartmarathon.com y na IBISA. A asigna
un comicion special di empleadonan di WEB, ELMAR y Utilities pa organisa e evento
deportivo aki.
Participacion ta costa 20 florin, cual ta inclui un dri-fit shirt, un race belt, BIB number y
medaya di participacion. Pa mas detaye por bishita kwartmarathon.com y tambe e
paginanan di Facebook di WEB Aruba, NV ELMAR y Patrishi Sports.
Segun e reaccionnan den medionan social, tin hopi interes pa cu e careda aki, door cu ta
un di e tiki careda y caminatanan cu tin na augustus proximo. P’esey ta recomendabel pa
no tarda mucho pa inscribi; Es cu registra y paga trempan ta bebe awa limpi. Tin un total
di 1000 cupo disponibel.
E ruta di e ¼ marathon (10,5K) ta: START: ELMAR SN – Pastoor Hendrikstraat – Weg
Seroe Preto – Kazernestraat – Theaterstraat – Zeewijk- Cura Cabay – Pieterboerstraat –
Cura Cabay – Savaneta – Mangel Halto – Spaans Lagoenweg – Wattstraat – Pos Chikito
– FINISH: WEB Aruba
E ruta pa e 5K (5,2K) ta START: Zeerovers – Savaneta – Mangel Halto – Pos Chikito –
Spaans Lagoenweg – Wattstraat – Pos Chikito – FINISH: WEB Aruba.
E comicion organisador di WEB, ELMAR y Utilities for di awor ta haci uzo di e
oportunidad pa gradici IBISA, Cuerpo policial, Volunteer Motor Unit y Aruba Medical
Assistance pa e bon cooperacion. E invitacion pa participa na e kwart marathon y 5K ta
bay pa comunidad henter. Ta haci un yamada specifico na atleta cu kier train pa marathon
pa join e evento, pero tambe na tur cu kier mantene of mehora nan condicion fisico.
