Page 57 - AHATA
P. 57
Marisol Gomes tabata e muhe cu a rementa Citgo y
probablemente tabata motibo cu Nicolas Maduro a benta Nelson Martinez y e grupo di
dirigentenan di Citgo cu a atende cu e acuerdo cu Aruba, den prizon.
Oficialmente Marisol Gomes ta bisa cu el a cuminsa un caso den Corte contra Citgo
pasobra Nelson Martinez a percura pa e perde su empleo ya cu e no kier a comete
actonan criminal manera Martinez y su grupo a ordena.
E cargonan cu Marisol Gomes a presenta contra Citgo, manera for di Mei 2019 DIARIO
a presenta, ta hopi serio.
Corupcion pisa tabata tuma luga den Citgo cu Nelson Martinez na cabes, tempo Aruba a
negocia e acuerdo cu Citgo na 2015 y 2016.
E acusacionnan di Marisol Gomes ta coincidi cu investigacionnan criminal di parti di
autoridad Mericano pa labamento di placa y ladronicia dor di gerencia di Citgo.
Marisol Gomes a acusa Nelson Martinez di a exigi pa Gomes, cu tabata encarga cu
asuntonan di personal di Citgo, yuda pa cierto companianan cu segun Marisol tabata
mara na actonan criminal, haya contractonan dudoso cu Citgo.
E companianan awe ta na careda pa desmenti e palabranan di Marisol Gomes cu un
tempo a sostene Chavez y hasta a haya su mes den problema cu husticia na Venezuela.
