Page 22 - FUNDASHON LOTTO PA DEPORTE

Diamars 23 di januari a cuminsa cu e categoria Master y Damas na Club Estrella esaki
ya for di 7or di anochi.

Y e siman aki dia 29 di januari lo hunga den e categoria U – 11 y U – 15 cual lo

cuminsa pa 5’or di atardi esaki tambe na Club Estrella. Pa su mañan 30 di Januari lo
hunga den e categoria B klas y Open esaki na Centro Deportivo Betico Croes
cuminsando pa 8’or di anochi.

Lo finalisa e Copa Betico Croes den tenis di mesa dia 31 di januari, cu e categoria U18
esaki na na Club Estrella cual orario lo ta 6.30 di atardi. E entrega di premio lo sigui
despues di e final di e torneo.

Ta bon pa recorda cu den su tempo, sr. Betico Croes awe den felis memoria a praktica
e deporte di tenis di mesa, hasta den su temporada como studiante na Hulanda. Un bez
bek na Aruba, Betico Croes a continua cu e deporte di tennis di mesa na Club Estrella.

E deporte di tennis di mesa a conoce un gran temporada 2017 unda a hunga varios
torneo local como tambe internacional.

E atletanan hoben Mathilda y ChingHo Chung a debuta den torneonan grandi manera e

Suramericano Hubenil, Panamericano y e clasificacion Olimpico Hubenil.

Es mas e atleta ChingHo a keda escohi como atleta di aña di Aruba den su categoria
cual ta un logro grandi. Asina tin mas atleta ta den bon desaroyo cu por hunga na nivel

competitivo.

Mas cu claro tur esaki ta danki na e bon trabou di e federacion, e staf tecnico, e
mayornan y e atletanan cu ta traha cu dedicacion na bienestar di nan deporte.