Page 3 - AM240624 2.0
P. 3
Dialuna, 24 Juni 2024 AWEMainta LOCAL 3
A N A L I S I S
ARA: ‘Op Afstand’ y Prome Minister: ‘Binnen Afstand’
INOCENCIA no ta algo cu wordo piki canto di caminda of
den un mondi pero ta un don di un persona cu ta wordo
fortalece pa su creencia y caracter pero den mundo politico,
hopi ta kere cu nan por pasa pa santo por completo.
Algemene Rekenkamer Aruba siman pasa a publica su
rapport “Op Afstand” den cual ta analisa e situacion cu tin
na e momtonan aki, pa loke ta maneho di e institucionnan
di gobierno mustrando cu ta “e entidadnan cu ta opera riba
cierto distancia di gobierno.”
AWEMainta tin cu mustra aki cu contenido di e rapport di
ARA, en realidad no a presenta ningun novedad
ya cu for di 2017 c’un otro administracion lidera
pa partido MEP, henter e institucion cu yama
Parlamento, cu ta e institucion cu tin cu controla
y supervisa maneho di gobierno, a wordo converti
den un tipo di “departamento di gobierno.”
Eynan ta Prome Minister Evelyn Wever-Croes
ta esun cu ta determina kico tin cu pasa, tin cu
wordo aproba y kico tin cu wordo desaproba y
e programa di “actividad”, esta di e reunionnan,
no ta wordo determina pa Parlamento pero den
oficina di gobierno na Cocolishi.
Ya caba for di e confrontacion cu a surgi na
2020 den e caso di Marisol Tromp na momento
cu durante di un reunion riba permiso pa
‘spearfishing’ a presenta un mocion di descon-
fiansa contra di su persona, tabata na Cocolishi
cu hefe mayor a informa Presidente Ady Thijsen
pa suspende e reunion inmediatamente pa asina
evita mas daño politico n'e partidonan di gobi-
erno.
Loke a sigui despues tabata un violacion formal
di loke cualkier gobierno cu ta respeta su mes,
lo a basa su maneho ariba, esta gobernacion di
integridad.
ARA cu den cierto sentido a bati alarma unb tiki
laat pero ainda na tempo, ta algo cu ta asina
bergonsoso ya cu ningun politico cu ta respeta
su mes, lo a permiti of tolera e tipo di cos aki
