Page 34 - AHATA

cu nan ta haya nan mes den situacionnan cu falta di personal, nan ta purba di traha
mas eficiente cu ta posibel, haciendo uso di nan ‘risk management team’ haci e trabao
manera debe ser, pa asina por alivia e trabao pa aduaneronan cu mester haci e trabao
fisico, pero nan tambe ta busca trahadornan di otro seccionnan cu ta mas slow, pa

asina por yuda pa nan por haya mas container vrij.

Croes a expresa cu ta importante pa bisa cu esnan cu ta haya vooraan of por bay mas
liher, ta esnan cu ta haci nan trabao manera debe ser, cu nunca nan a haya problema

cu nan, nan no ta haci fout, y semper tur cos ta bay smooth, esey ta haya vooraan,
pasobra nan ta di confianza.

Digitalizacion

Pa loke ta trata digitalizacion di e departamento, Croes a bisa cu nan ta depende hopi di
Setar, pasobra nan ta trahando cu internet, y ora cu esaki ta stabil, nan tambe por
traha lihe y stabil. Desde cu e sistema a wordo introduci, tur cos ta bayendo hopi bon,

hopi hende ta contento cune y practicamente desde cu e barco sali for di ultimo punto
di salida, ya nan por tin tur cos cla cu por cuminsa traha riba e verklaring y e proceso
ta bay hopi mas lihe. Esaki ta conta pa carga grandi y carganan chikito, manera
articulonan cu a wordo bestel via internet.

Croes a bisa cu aworaki nan tin suficiente personal pero ainda tin un falta, pa asina
duna un mihor servicio, specialmente den lunanan di November y December, y esaki ta
causa un presion riba e personal. Pesey nan ta busca un manera pa traha mas

eficiente, pa asina nan no perhudica economia, sino promove economia, y
comerciantenan por tin suficiente mercancia pa e consumidornan.

Control

Croes a informa cu ora ta traha di mercancia cu ta yega den container, esey nan no tin
problema pa controla, pero na momento cu ta trata di personanan cu ta yega cu
mercancia pa bende den nan maletanan, nan mester pasa den procedura di yena un

aangifte y paga gastonan di importacion y crea balansa cu e comerciantenan, si no bo
ta haya un competencia inhusto, pasobra nan no ta paga impuesto riba e productonan.
Corda nan ta pidi nan KvK, pasobra nan mester paga impuestonan riba nan ganashi.