Page 64 - AHATA

E ley cu a wordo aproba unanimamente ta pa prohibi tambe uso di oxybenzone, cu ta
un di e ingredientenan cu tin den mayoria di e lotions contra solo cu ta wordo uza na
Aruba.

Durante un conferencia di prensa Minister di Infrastructura y Medio Ambiente Otmar
Oduber a bisa cu for di comienzo di aña pasa a cuminza papia riba e ley aki, despues cu
a cera tambe un acuerdo cu Impact Blue cu tabata haci trabaonan di estudio riba uso di
plastic.

“Mi ta kere cu tur stakeholder presente a ripara un diferencia grandi den e daño na
medio ambiente, despues di introduccion di e ley di prohibicion di saconan di plastic”.

“Sigur nos a haya cu mester a haci un follow up na un escala mas grandi y awe ta un
momento hopi special, pa wak e sosten di e stakeholders pa e ley di prohibicion aki di
plastic”.

Esaki segun Oduber, kende a sigui bisa cu Gobierno y Aruba a scoge pa crea un balanza
entre e desaroyo cu nos a conoce durante 40 aña, esta di construccion di mas hotel y
centronan comercial etc y e atencion riba nos medio ambiente.

“Mi a keda sorprendi na un manera hopi placentero, ora cu mi a yama diferente
stakeholder pa nan bin mustra nan sosten pa e pasonan cu Aruba ta tuma pa
preservacion di su medio ambiente y cada un di nan mesora a bay di acuerdo”.

Esaki segun Oduber, kende a menciona cu e representantenan presente na e
conferencia di prensa tabata di Hilton Hotel, Wine & Dine, ATIA, AHATA, Superfood,
Casa Haime, Compra N.V, Aruba Food & Beverage Association, Do it Center, ATA y
Camara di Comercio.

E mandatario a invita nan y nan a firma cu nan ta sostene e prohibicion di plastic pa
yuda nos medio ambiente, apesar cu e ta costa e compania y organizacionnan aki un
gran esfuerzo, hopi biaha financiero tambe.

https://www.diario.aw/2019/11/stakeholders-a-firma-cu-minister-oduber-pa-mustra-sosten-pa-
prohibicion-di-plastic/