Page 13 - AM210628
P. 13
Dialuna, 28 Juni 2021 AWEMainta 13
Tres persona herida den accidente serio
riba caminda di Pavia cu Hooiberg
TABATA diasabra anochi cu alarma a
drenta di un accidente frontal riba caminda
di Pavia.
Dama na stuur di un Ford Edge lo a bay
desvia pa un vehiculo cu lo a subi su dilanti.
Den e maniobra aki e Ford Edge a topa riba
su otro banda cu un Honda Pilot.
Ambos chauffeur femenino a resulta herida.
Pero, den e Honda fuera di e dama, e chauf-
feur cu a resulta herida tabatin un otro
dama cu tambe tabata herida.
N’e sitio segun nos por a compronde, tur
tres dama a resulta herida, pero esnan den
e Honda Pilot tabata esnan mas serio.
Na yegada di Paramediconan mesora nan a
atende cu esakinan prome y pa transporta
nan mesora pa Hospital. Polis di Trafico a
presenta n’e sitio pa haci nan investigacion.
Segun informacion n’e sitio, e vehiculo cu a
sali/subi caminda y cu tabata e motibo di
e accidente a gewoon continua su caminda
manera nada no a pasa.
