Page 6 - AM210628

6 AWEMainta Dialuna, 28 Juni 2021

Gobernador Alfonso Boekhoudt

ta inicia cu rond di consulta awe

GOBERNADOR Alfonso Boekhoudt,
awe dialuna 28 di juni 2021 durante oranan

di mainta ta inicia e rondnan di consulta cu

organonan di conseho y cu lidernan politico.
Durante di e rondnan di consulta Gober-

nador ta informa su mes tocante e posibili-
dadnan pa formacion di un Gabinete nobo,

teniendo na cuenta e resultado di e eleccion

pa miembronan di Parlamento di Aruba.

Gobernador Boekhoudt primeramente lo
papia cu Presidente di Raad van Advies,

señor Frits Goedgedrag y despues cu Presi-

dente di Parlamento, señor Juan (Ady) Thi-
jsen. For di awe merdia Gobernador lo papia

cu e lidernan di e partidonan politico cu a

base di e resultadonan electoral preliminar
a haya por lo menos un asiento: Señora Ev-

elyn Wever-Croes (MEP), señor Mike Eman

(AVP), señor Ursell Arends (RAIZ), señora
Marisol Lopez Tromp (MAS) y señor Miguel

Mansur (Accion21).

Seguidamente Gobernador lo consulta cu

Presidente di Sociaal Economische Raad,
señora Tisa LaSorte, cu Presidente suplente

di Algemene Rekenkamer, señor Frederick
Nuboer y cu e miembro postula pa Aruba

di College Aruba financieel toezicht, señora

Hellen van der Wal.

E consultanan ta forma e comienzo di e pro-

ceso di formacion pa yega na un Gobierno
nobo onsultanan ta forma e comienso di e

proceso di formacion pa yega na un gobier-

no nobo pa Aruba.
Ta spera cu e consultanan ta finalisa diara-

zon 30 di juni.

E siguiente paso den e proceso di formacion

ta cu, a base di e resultado di e consultanan,
lo designa un Informador y lo formula e en-

cargo p’e persona en cuestion.