Page 31 - HOH

* A dura 33 aña pa por a haya un cas nobo

ORANJESTAD (AAN): Durante e inauguracion di nan cas nobo na Mahuma, Dr.
Hendrikus Van Gaalen, director medico di Fundacion Respaldo a indica cu 33 aña pasa,

Gobernador Tromp, a haci apertura di un otro cas pa atende cu personanan cu mester
di cuido mental, cual tabata PAAZ.

PAAZ awendia no ta existi mas. Kiermen, e pashent di PAAZ no ta existi mas.

Van Gaalen a remarca cu mester stop cu e stigma ora di papia di malesanan mental. El
a enfatiza cu tur hende por haya un malesa mental.

Un cas pa atende cu e pashentnan ta hopi importante. A dura 33 aña prome cu por a
haya un otro edificio. El a bin, si pero no tabata algo cu a sosode ‘as soon as possible’,
a expresa.

Ta importante e aspectonan di seguridad y trankilidad den un cas manera esaki. Un
hende na nan cas nan ta sinti nan mes trankilo. Nan ta nan mes, Dr. Van Gaalen a
indica.

A sigui bisa cu 25% di e personanan ta haya un malesa mental den nan bida. Esey ta
un persona di cada cuater. Na Aruba e ta kere cu esaki ta entre 25% y 40%.

Dies porciento anualmente mester di tratamento. AO door di problemanan mental

tambe ta grandi.

Hopi malesa mental si no ta trata nan, nan ta refleha tambe den malesanan fisico
manera stroke. Un bon tratamento ta sumamente importante. Na Aruba, por bisa cu e

tratamento ofreci ta den e mesun nivel cu esun di Hulanda, y Dr. van Gaalen ta hopi
orguyoso di dje.

https://www.diario.aw/2020/02/mester-stop-cu-e-stigma-ora-di-papia-di-malesanan-mental/