Page 39 - AWEMAINTA
P. 39
Diaranson, 7 Februari 2018 AWEMainta 39
Internacional
A fayece Margot Duhalde,
e piloto Chileno cu a defende Francia di e Nazinan
E ciudadano di Chile, Margot Duhalde, e prome
piloto di guera di Chile kende a bula avionnan di
guera pa defende Francia di e Nazinan durante di
Dos Guera mundial, a fayece dialuna na edad di 97
aña victima di un tumor, segun su famia a informa.
Duhalde a feyece den e hospital di Fuerza Aérea de
Chile, tres luna despues cu a detecta un tumor na un
di su wowonan, cu a complica maske el a pasa den
un tratamento intenso.
“Na final di october el a presenta algun molester na
su bista y esey a resulta di ta un tumor. El a bay bou
tratamento pero e tumor tabata demasiado invasivo
y no tabata efectivo”, tabata parti di e declaracion di
Carrillo na radio Cooperativa.
Como e prome dama Chilena den pilotia avionnan
di guera, Duhalde a bira en un figura reconoci di
aviacion latinoamericano, despues cu el a inscribi
como boluntario den e Forsanan Liber Frances cu
tabata conforma pa Charles De Gaulle na Inglatera
despues di e ocupacion Nazi na Francia.
El a wordo admiti como piloto den e Air Transport
Auxiliary (ATA), un division cu base na Inglatera,
caminda el a bula mas di 1.500 mision den decenas
di avion di guera.
Despues di e fin di e guera, Duhalde a bira e prome
hende muher cu tabata controlador aereo y di radar
di e pais, piloto comercial y representante di un fab-
ricante Frances di avion.
Margot a casa tres biaha y tabatin solamente un yiu.
“Den varios ocasion, debi na e extenso tempo cu e
mester a dedica na su trabou, e mester a laga su yiu
pa temporadanan largo. E tabatin un bida di sacrifi-
cio”, a afirma Carrillo.
Despues di su retiro y maske e tabatin un edad hal-
to, e e dama aki di presencia elegante y mirada pen-
etrante, a bula un avion pa ultimo biaha na 2007, y
a biba su ultimo añanan den un tehuis pa funciona-
rionan femenino retira di e Forsanan Arma di Chile.
