Page 11 - MIN SJA 9 MAART 2016
P. 11
Minister Paul Croes ta pone enfoke riba igualdad
laboral pa Dia International di Hende Muher
on: March 08, 2016In: LocalNo Comments
Print Email
E aña aki Organisacion Mundial di Labor, esta ILO, lo dialoga durante reunionnan na Geneva riba e
posibilidad pa promove igualdad di sexo y asina caba cu tur forma di discriminacion contra e hende
muher den e mercado laboral pa asina por logra yega na un productividad total pa un y tur pa aña
2030.
Igualdad di sexo y anti-discriminacion ta pilarnan di e Organisacion Mundial di Labor, cual tin como
meta pa promove husticia social den e mundo laboral. Awor, e fundacion ta yegando na aniversario
di su di Di Dos Siglo y a scoge pa pone enfoke riba e hende muher den e mercado laboral.
Aunke cu en berdad nos a conoce hopi cambio den e mundo laboral den e ultimo siglo, ainda e
igualdad pa loke ta trata hende homber y muher ta keda un meta dificil pa encontra. Pa loke ta trata
Aruba, Minister di Labor Paul Croes ta sigur cu e hende muher ta un parti clave y importante pa e
mercado laboral.
“Den tur sector di nos comunidad, e hende muhe di Aruba ta caracterisa pa su curashi y hunto nos
lo percura pa su persona y su papel ta proteha na tur momento. Pabien hende muhe pa tur loke bo
ta, pa tur loke bo ta haci y pa tur loke bo ta inspira,” asina Minister Paul Croes a bisa.
http://masnoticia.com/minister-paul-croes-ta-pone-enfoke-riba-igualdad-laboral-pa-dia-international-
di-hende-muher/
