Page 20 - MIN.ON FEB 3,2015
P. 20
Mi ta haya e iniciativa aki hopi bon y spera cu otro aña e ta
sigui atrobe
Monday, 02 February 2015 20:58
Comparti
Jarissa Dubero ta docente di CKV, Cultureel Kunstzinnige Vorming na Colegio San Augustin MAVO na
San Nicolas y Maria College MAVO na Oranjestad. Esakinan ta dos di e tres scolnan cu a bay cu e prome
cuater luganan den e edicion 2015 di e ‘Green Chair Competition’.
E ta kere firmemente den e tipo di actividadnan aki caminda no solamente ta desaroya e talento creativo
y artistico di e hobennan, pero tambe ta educa nan riba conservacion y amor pa nos isla.
Dubero a guia e studiantenan di e diferente klasnan, bayendo asina cu e di prome, di dos y di tres premio
den e competencia. Diabierna anochi den e ceremonia di anuncio y entrega di premio, sin duda algun
tabata un anochi yena di emocion pa e docente. “E ta un orguyo hopi grandi y literalmente cada rato mi
mester a pone cada scol apart paso mi no por tuma parti pa un so y pone e otro un banda; tur dos mester
wordo trata igual.”
E ta un creyente den e importancia di concepto di reciclahe y ta contento di wak con pais Aruba a adopta
y profundisa den e tema ‘Green’. Como educador, e ta haya cu hobennan ta wordo conscientisa riba tur e
posibilidadnan. “Ambos scol a tuma cu man y pia y hopi entusiasma,” Juffrouw Dubero a comenta.
Adicional na e uzo di material cu a benta afo, Dubero a percura pa su studiantenan a haya un les
adicional den e proyecto. “Mi a cuminsa e les lagando nan scucha e himno di Aruba,” el a bisa. El a ripara
cu casi ningun a lanta para. “Esey no por, pasobra mester duna respet” y asina a scoge nos isla como e
tema principal di cada creacion.
E ta lamenta si cu no ta hopi scol a participa. E biaha aki tabatin un total di seis scol cu a presenta casi 70
stoel. E ta kere cu e tipo di iniciativa aki “ta trece un union den e competencia. Un mucha ta puntra con
esun di e otro scol ta.” E ta spera cu otro aña e evento ta sigui atrobe. “Nos studiantenan mester di cosnan
asina pa conscientisa nan riba sushedad y pa no susha Aruba,” el a indica.
Tambe ta invita coleganan pa haci uzo di e oportunidad aki. Nan por bini hunto y organisa actividadnan
similar of tambe reta otro incluyendo algun incentivo mey mey di nan mes. Dubero ta wak e como “un
competencia sano entre e scolnan.” Pronto e stoelnan ganado, hunto cu e otronan cu ta cera e top 10 pa e
hurado, lo ta visibel pa publico na sede di patrocinadonan manera Setar, Arvefa, De Wit & Van Dorp y
Kooyman.
http://www.24ora.com/politica-mainmenu-18/91353-mi-ta-haya-e-iniciativa-aki-hopi-bon-y-spera-cu-
otro-ana-e-ta-sigui-atrobe
sigui atrobe
Monday, 02 February 2015 20:58
Comparti
Jarissa Dubero ta docente di CKV, Cultureel Kunstzinnige Vorming na Colegio San Augustin MAVO na
San Nicolas y Maria College MAVO na Oranjestad. Esakinan ta dos di e tres scolnan cu a bay cu e prome
cuater luganan den e edicion 2015 di e ‘Green Chair Competition’.
E ta kere firmemente den e tipo di actividadnan aki caminda no solamente ta desaroya e talento creativo
y artistico di e hobennan, pero tambe ta educa nan riba conservacion y amor pa nos isla.
Dubero a guia e studiantenan di e diferente klasnan, bayendo asina cu e di prome, di dos y di tres premio
den e competencia. Diabierna anochi den e ceremonia di anuncio y entrega di premio, sin duda algun
tabata un anochi yena di emocion pa e docente. “E ta un orguyo hopi grandi y literalmente cada rato mi
mester a pone cada scol apart paso mi no por tuma parti pa un so y pone e otro un banda; tur dos mester
wordo trata igual.”
E ta un creyente den e importancia di concepto di reciclahe y ta contento di wak con pais Aruba a adopta
y profundisa den e tema ‘Green’. Como educador, e ta haya cu hobennan ta wordo conscientisa riba tur e
posibilidadnan. “Ambos scol a tuma cu man y pia y hopi entusiasma,” Juffrouw Dubero a comenta.
Adicional na e uzo di material cu a benta afo, Dubero a percura pa su studiantenan a haya un les
adicional den e proyecto. “Mi a cuminsa e les lagando nan scucha e himno di Aruba,” el a bisa. El a ripara
cu casi ningun a lanta para. “Esey no por, pasobra mester duna respet” y asina a scoge nos isla como e
tema principal di cada creacion.
E ta lamenta si cu no ta hopi scol a participa. E biaha aki tabatin un total di seis scol cu a presenta casi 70
stoel. E ta kere cu e tipo di iniciativa aki “ta trece un union den e competencia. Un mucha ta puntra con
esun di e otro scol ta.” E ta spera cu otro aña e evento ta sigui atrobe. “Nos studiantenan mester di cosnan
asina pa conscientisa nan riba sushedad y pa no susha Aruba,” el a indica.
Tambe ta invita coleganan pa haci uzo di e oportunidad aki. Nan por bini hunto y organisa actividadnan
similar of tambe reta otro incluyendo algun incentivo mey mey di nan mes. Dubero ta wak e como “un
competencia sano entre e scolnan.” Pronto e stoelnan ganado, hunto cu e otronan cu ta cera e top 10 pa e
hurado, lo ta visibel pa publico na sede di patrocinadonan manera Setar, Arvefa, De Wit & Van Dorp y
Kooyman.
http://www.24ora.com/politica-mainmenu-18/91353-mi-ta-haya-e-iniciativa-aki-hopi-bon-y-spera-cu-
otro-ana-e-ta-sigui-atrobe
