Page 37 - HOH

No ta asina cu e placa ey bo ta uza como cashflow pa inverti den bo negoshi of den bo

inventario, kico otro bo tin cu inverti den dje. E conciencia y tambe e conocemento cu

DIMP ta keda responsabel ora ta trata no solamente di negoshi, pero tambe pagonan di

impuesto, ta un deber di nos tur. No ta deber di Departamento di Impuesto pa wak con

nan ta bay deal cun’e, pero con e comerciantenan ta asumi nan responsabilidad y paga di

berdad loke nan tin cu paga den caha di gobierno. Esey ta e pago boluntario. Y si no tin e

caso di pagonan boluntario, lo bira un pago obligatorio.

Si mira e trayecto di team di control di 2013 te cu september 2019, a coregi 100 miyon

florin na entradanan di gobierno, cu no a wordo paga. Di e 100 miyon ey, sigur tin casi

30 pa 50 miyon na boet cu a pone, cu ta boetnan pasobra esnan cu mester a cumpli, no a

cumpli.

DIMP como departamento ta haciendo nan best pa percura pa tur hende paga nan

fairshare ora ta trata impuesto. Si tin cu bisa cu ora drenta un negoshi y mira un

administracion y ta bisa cu mester a paga 100 pero a paga 0, e incumplimento, e fayo, no

ta na e departamento di impuesto. E fayo ta den e pensamento di e negoshante cu ta pensa
y ta haya ta bon pa sigui haci negoshi y keda sin paga belasting deliberadamente.

https://24ora.com/luenne-pieters-dimp-ainda-tin-40-di-contribuyente-cu-no-a-cumpli-cu-nan-
impuesto/