Page 3 - Binder1

PAGINA 30 DIARIO DIALUNA 24 OCTOBER 2022
Diasabra otro siman lo bay colecta cuminda pa Ayudo Social Santa Cruz

ORANJESTAD (AAN): necesidad. pa duna un contribucion di Ta haci un suplica na na Centro San Martin.
Comision Ayudo Social Asistencia Social comestibel (na bleki of paki) Supermercado y companianan Cu Dios bendiciona boso
Santa Cruz ta organiza un humildemente ta haci un of di articulonan di limpiesa den parokia pa duna un generosidad.
Recaudacion di Comestibel yamada na tur esnan cu por, y higienico. man. Por entrega donacion
diasabra, 5 di november for
di 9’or di mainta pa 3’or di
atardi na Centro San Martin.
Nan ta consciente cu e forsa
financiero no ta mescos pa
hopi hende y tambe sa cu e
pueblo di Santa Cruz y henter
Isla ta uno generoso, semper
dispuesto pa yuda otro den

A bati alarma

pa situacion
financiero debil

di Hospital na
Curaçao

WILLEMSTAD: Recien a ser
publica un rapport integral cu
Nederlandse Zorgautoriteit
a traha riba e sitaucion di
e hospital di e isla, esta
‘Curaçao Medical Center’,
conoci como CMC. E rapport
a mustra un situacion bleek,
unda cu e debenan di CMC ta
mucho mas grandi compara
cu entradanan. Nan ta hasta
papia di un ‘bancarota tecnico’
di e institucion medico.
Pesey mes recien, e Director
di CMC a divulga cu tin
di bay corta den condicion
secundario di e trahadornan na
e Hospital, debi cu no tin placa
ta drentando.
Siman pasa, hasta e Colegio
di Vigilancia Financiero
(CFT) a manda un carta pa
Prome Ministro Pisas, y
demas Ministronan envolvi,
pa alerta cu CMC ta sufriendo
di perdidanan grandi, y esaki ta
trece continuidad di operacion
di e Hospital den peligro. Pa
colmo, cifranan ta mustra cu
desde Juni 2020 nan no ta
cumpliendo cu pagonan di e
fianza pa construccion di e
edificio, mientras cu Gobierno
di Curaçao di su parti tin di
cumpli cu su obligacionnan di
pago na Hulanda.
CFT ta adverti gerencia di
CMC y tambe Gobierno, cu na
final di cuenta ta responsable
pa e instituto medico, cu tin
di bay tuma accionnan serio
y concreto. Si keda sin haci
esey, lo no tin mehoramento
den e situacion financiero y e
perdida lo sigui crece di forma
incontrolable.
E situacion di CMC ta precario
y ta causando preocupacion.