Page 19 - RIU HOTEL

Bikker: Ta lamenta atraco tira riba

pareha turista aleman

Posted on 01/1/2018 8:22 pm AST | Updated on 01/1/2018 8:26 pm AST

ORANJESTAD – Minister di husticia Andin Bikker ta lamenta e atraco arma riba
un pareha turista alemán dialuna mainta. Asina e mandatario ta bisa den un
comunicado. Manera ta conoci, Aña nobo durante oranan di mainta un persona
desconoci a atraca un pareha turista. Ta trata aki di un pareha Aleman. Durante e
atraco a bay cu un tas cu pertenencia di e pareha. Minister di Husticia mr. Andin
Bikker a tuma nota di e echo lamentabel aki y a bay pone su mes na altura di e caso.
Segun Minister Bikker el a ser poni na altura di parti atraco team y nan ta trahando
cu hopi intensidad riba e caso aki. E pareha a ser atendi pa slachtofferhulp.
Minister di Husticia a presenta na Eerste Hulp unda el a combersa cu e pareha pa
brinda nan sosten moral y pidi disculpa pa e echo cu den nan vacacion aki na
Aruba, ta haya nan mes confronta cu un eventualidad desagradabel asina. Den
cooperacion cu instancianan concerni pa cu turismo lo percura pa resto di e estadia
di e pareha aki na Aruba lo ta mas agradabel posibel. Como Minister di Husticia e