Page 9 - FDLP

20 AWEMainta Diamars, 14 Januari 2020

Den Domino

Leoncita Croes y Nigel St. Jago campeon!!

RECIENTEMENTE e flamante ekipo di
domino Team SNOR a tene su bataya di tur

aña pa wak kende ta “Best of the Best” den e

unico Domino Square Garden na Aruba, esta 99
Bar & Restaurant!

E gaynan cu a bati pecho duro, pasobra ta nan
t’e campeonnan reinante mester a morde nan

lip pisa e biaha aki, pasobra den no time nan a

cay afo!

Segun inside information, un di nan cu ta bis-
ti bril di material organico, bril di “veggie”, a

perde 2 biaha tras di otro y a dicidi di bira DJ!

En todo caso, cos a mustra tempran caba cu e
temporada aki ta otro gay – of galiña – lo bay

canta.

Shonnan e winners round ta sali habri brabo
brabo mes! Den 4 tanda e duo dinamico di Le-

oncita Croes y Nigel St. Jago ta ranca sali gana

tur wega cu score convincente di 2-0, y ta posi-
ciona nan mes comodamente den final wardan-

do kende lo sali victorioso dje losers round.

Mester bisa cu Snor no solamente ta un mas-

ter den diseña uniform di domino, pero tambe
ta campeon pa traha schedule di torneo super

complica cu ni expertonan di NASA por decifra!
Den un losers round cu ta solamente na Sicilia

so nan por compronde, e duo di Snor Perez y

Joselito Dijkhoff ta sali victorioso p’asina bay
enfrenta Leoncita Croes y Nigel St. Jago den e

gran final!

Un bataya di kita sombre! Pero ... ata cos aki

shonnan, manera nan ta bisa na Hulanda “het

kan verkeren”! Esnan cu henter anochi a goza
brasa habri di open bar cortesia di Nelson “Snor”

Perez, awor ta apoyando Leoncita y Nelson!
Ora Snor a kere cu e ta home team, ata ta re-

sulta cu e ta away team! Leoncita y Nelson con-

vincentemente ta gana Snor y Joselito y asina
aki ta pone nan stempel pa temporada 2020!