Page 15 - AM210317

14 AWEMainta Diaranson, 17 Maart 2021

Trabounan di construccion di

sorteervak dilanti La Granja,

alerta pa cambio di ruta

Oranjestad - San Nicolas

Entrante dialuna 22 di maart 2021, ta bay cuminsa
cu e trabounan di construccion di un sorteervak
dilanti di La Granja y T-Weg di Jara.
Durante construccion lo bay tin desviacion di trafico
for di 9’or di mainta pa 4’or di atardi y T-Weg di Jara
lo ta cera 24/7.
Lo bay cera e ruta Oranjestad pa San Nicolas for
di Rotonde Pos Chikito te cu crusada di La Granja.
Trafico lo wordo desvia via Spaans Lagoenweg,
Santo Largo y Savaneta.
Duracion di construccion lo ta aproximadamente
8 siman. DOW, C.I.C. N.V. y KPA ta pidi pueblo
di Aruba y tur automobilista pa tene cuenta cu e
desviacion y e inconveniencia cu lo por surgi riba e
ruta menciona pa cual nos ta pidi nos disculpa y ta
gradici pa e comprension y cooperacion.

Aruba mester

gobernantenan cu sa kico

kiermen Trias Politica

HOPI a hari y burla recientemente di e hecho cu un
Feliz Dia di partido politico nobo (HTC) su lider no tabata sa kico ta

nifica Trias Politica. Pero en bez di hari basicamente ta
Himno y algo di yora.

Politiconan mester at least sa base di gobernacion. E ta un
Bandera berguensa y no algo di hari, cu un persona cu kier aspira

pa un funcion gubernamental no sa e base di politica di
su pais.
Igual ta conta cu partidonan nobo (manera Raiz),
cu ainda no a indica unda nan kier bay cu Aruba.

Aruba no por conta cu nobatonan politico n’e momentonan
aki. Aruba n’e momentonan aki mester di lidernan bon
prepara y cu hopi conocimento pa saca Aruba padilanti.
No por bay confia den partidonan aventurero pa saca
nos nacion dilanti. Mester lidernan cu experiencia y
tambe conocimento di leynan y maneho di pais pa
Aruba por bonce bek. Mester tambe e forma di dialoga
y negocia cu Hulanda den e circumstancianan aki.

E hecho cu un candidato hoben no sa kico kiermen Trias
Politica ta un hecho bochornoso y no algo di hari. E
ta bisa algo di nos pueblo. Aruba merece un Gobierno
y gobernantenan riba un nivel halto y cu por confronta
problemanan serio. Mester ta hendenan educa y cu vision.

www.bancodicaribe.com No por ta nobato n’e momentonan aki mucho menos
ignorante. Cu e caida economico mester di un plan cla
p’asina por duna un empuhe na comercio y na nos pais.