Page 17 - awe2307

Diasabra 23 di Juli 2022

SPORT

uscando su come back a
eam Snor b
e!
T
Team Snor buscando su come back awe!
w

we, 23 di juli, cuminsando
Apa 8’or di anochi, e team cu
uniform mas original den ekiponan
di domino, esta TEAM SNOR, lo
bolbe haci un intento pa haci un
come back den scenario di domino.

E arena caminda e encuentro lo
tuma luga ta e ya mundialmente
famoso Domino Square Garden
aya net n’e grens entre Calabas y
Kudawecha, dilanti e palo di kwihi
di mal ehempel caminda tur team
cu haya sota ta busca nan shelter.
Ultimo tempo, e palo aki a manera

bira Snor su segundo cas.

E ekipo cu lo haci su gran debut e anochi aki lo
ta RANGERS DOMINO TEAM, y nan solo meta lo
ta pa pone Team Snor ‘zing een toontje lager’!

N’e momentonan aki redaccion no tin mucho
informacion dje ekipo nobo aki cu lo haci su
debut diasabra awor den e circuito di domino
mas cruel di mundo, pero dje tiki info cu a drenta
aden ta un potret di un uniform sumamente
colorido y c’un nechi diseño, locual ta implica
cu e liderazgo dje team tin e cos aki na serio, cu
bon wowo pa detaye! Ojo con eso, Snor, Ojo!

Manera ta di custumber, e entrada p’e anochi aki
lo ta completamente gratis y durante halftime,
e pasapalonan lo core completamente gratis
y na ordo manera semper! Pues amantenan
di top class domino, no perde e oportunidad
aki diasabra awor 23 di juli pa 8’or di anochi di
ta testigo dje gran debut di Team Rangers n’e
unico y mundialmente famoso Domino Square
Garden aya na Calabas! Yegaaaa!

17