Page 3 - awe2307

Diasabra 23 di Juli 2022

LOCAL

Wardacosta ta intercepta mas cu 400
W ar daco s ta ta in terce p ta mas cu 400

kilo di droga balora na 13 miyon dollar
kilo di dr o g a balo r a n a 13 miy o n do llar

iabierna mainta rond di 04:00 Wardacosta a detecta
Dmovecion sospechoso di un boto riba lama cu tabata
rumbo pa Aruba.

Mesora a dirigi e Metal Shark di Aruba riba e boto. Hunto cu
Metal Shark, helicopter di wardacosta tambe a sali pa asisti.
Despues di un persecucion extenso, y tironan di advertencia,
metalshark ta logra intercepta e boto. Abordo tabatin 5
homber di cual 2 ta nacionalidad Venezolano, 2 Dominicano
y un Colombiano. Riba e boto tabatin diferente bulto di droga
cual despues di investigacion a resulta di ta pisa mas o menos
400 kilo.

E droga a wordo confisca y e 5 personanan a wordo deteni y
traslada pa departamento di Crimen Organisa pendiente di
mas investigacion. E droga a wordo destrui di biaha.

Esaki no ta prome cargamento cu a wordo confisca den e area
di Caribe e siman aki.

Menos cu un siman pasa un speedboat cargando mas cu 800
liber di cocaina cu un balor di 13 miyon a wordo confisca door
di Marina den Caribe. A atrapa nan net un poco pafo di costa
di Barranquilla, Colombia. Na momento cu Marina Colombiano
tabata yegando cerca, a mira e tripulantenan ta tira saco den
lama. A recupera 16 bulto cu tabatin mas cu 400 pakete chikito.
A detene tres Jamaiquino y un Venezolano.

Riba black market e droga aki tin un balor di 13 miyon dollar.
Hunto cu e articulo tin potret tambe di e droga confisca na
costa di Colombia.

3