Page 15 - ARUBA BANK - APRIL 29 , 2015

RBC Royal Bank su segundo ‘Dia di Informacion di Hipoteca’ un biaha mas tawata super
exitoso

Wednesday, 29 April 2015 09:20

Comparti

Diasabra 25 di april RBC Royal Bank a tene su di segundo ‘Dia di Informacion di Hipoteca’. Un dia
sumamente exitoso unda cu clientenan nobo y existente a bishita RBC na Sasaki pa asina ricibi tur
informacion necesario pa traha, cumpra of renoba nan propio cas.

Cu un expo y seminario bon bishita RBC a sa di duna un biaha mas tur bishitante tur informacion cu na
mester sa tocante hipoteca. Dos Branch Managers, Sra. Joanaila Geerman-Lacle conhuntamente cu Sr.
Carlos Eckmeyer a duna e seminario di hipoteca na unda nan a duna un splicacion amplio riba e diferente
stapnan na momento cu tuma un decision asina importante den un persona su bida cu ta ser doño di bo
propio cas. Tambe tabata tin un experto di Seguro cu a splica e diferente tipo di seguronan necesario na
momento di tuma un Hipoteca di RBC.
Den expo tawatin diferente agencianan di Real Estate y contratista presente cu duna informacion di na
servicio y a expone tur loke nan tin na propiedad. RBC Royal Bank ta un banco cu ta duna hopi balor na e
beneficionan pe cliente como tambe e guia corecto, p’esey ta haya hopi importante pa su clientenan ta bon
informa. RBC kier a gradici tur persona cu a sa di duna nan confiansa na RBC como consehero di
Hipoteca.