Page 10 - solo

Pagina 10 Diamars 12 April 2016

Auto a dal un ciclista sin luz riba caminda

Dialuna marduga poco pariba
di Valero Blvd riba L.G. Smith
Blvd, na altura di ex - DOW a
sosode un accidente caminda
auto a dal un ciclista. Segun
e ciclista staciona na e t-weg
pa bay ariba, e auto a sali y
diripiente el’a dal e ciclista.
Segun e automobilista e ciclista
no tabata tin luz. E auto a haya
daño y polis a bisa e ciclista
cu ta un adicto ambulante pa
busca un solucion di pone luz
riba su bais.

Minister encarga cu Salubridad ta anuncia cu entrante
13 april 2016 durante 14 dia lo tin oportunidad pa
un y tur tuma conocemento na Departamento pa
Legislacion y Asunto Huridico, Schotlandstraat 53,
di un peticion cu a ser haci pa obtene un bierhuis- y
un restaurantvergunning B pa e parcela Caya Dick
Cooper 8. E permisonan aki ta concerni e.o. benta
di bebida di poco alcohol (manera cerbes), bebida
sin alcohol (refresco) y cuminda (manera snacks) pa
wordo consumi den e parcela. Durante dicho termino
aki tur hende por expresa por escrito nan obhecion
contra e permisonan menciona, dirigi na e Minister
encarga cu Salubridad, via intermediacion di Director
di Legislacion y Asunto Huridico, Schotlandstraat 53.