Page 145 - KPA_Neat

combibi hunto cu otro, den tur situacion cu nan ta biba cu otro. Ta bon pa no
laga e momento aki pasa voorbij, di bisa cu den realidad, cu un caso tragico
asina aki mester pone tur hende para keto y reflexiona. Bida di e colega Ruiz no

por a bay asina aki, y despues di dos, tres dia tur hende a lubida.

Sindicato di Corsou, SAP, a bin dispuesto di duna tur ayudo y asistencia
necesario, pasobra cu esaki mester nifica cu tanto na gobierno y e titular di

Husticia den mando di e Cuerpo mester reflexiona y para keto, wak kico por
tabata origennan di cosnan cu mester wordo cambia. Cosnan cu mester wordo

adapta. Maneho di husticia mester por brinda prome e polis, sirbi e polis pa e
polis por sirbi eyfo. E polis mester tin siguridad y proteccion paden. Con mi por
sirbi mi comunidad y mi pueblo cu ta mi tarea y mi obligacion si ami mes no tin

proteccion of siguridad p’ami. Ora cu Sr. Lacle tende e cantidad di cosnan cu ta
pasando, cu no ta na su luga pa cu funcionamento di e Cuerpo, siguridad di e

trahadonan y insiguridad den diferente area, manehonan cu ora bo tende
cuanto tempo nan no a bay e locual cu nan no ta bay IBT, training di polis pa

tira cu tur esey, trainingnan pa atende cu casonan manera cu a wordo atende
cun’e. Patruyanan cu no tin suficiente, cu ora cu pidi back up, bo ta hay’e

manera cu bo pidi’e. Pa Sr. Lacle, esaki ta inaceptabel, intolerabel, den un
comunidad cu tin un deber pa sirbi pa proteha pa duna e garantia di siguridad
na su comunidad. Con por haci algo, si bo mes no tin’e?

Pro compronde cu tin cosnan cu ta sosode internamente den e Cuerpo, anto e
ora ey con bo ta verwacht di un trahado cu e, cu ta pasando inhusticia tin cu

brinda husticia eyfo. Hamas y nunca, segun Sr. Lacle. Si bo no tin algo, bo no
por brinda nada! E maneho di Cuerpo mester para keto y reflexiona den su mes

cas, locual mester wordo drecha. E maneho pa loke ta gobierno pa loke ta
husticia, y aki ta caminda cu Parlamento tin un trabao masha grandi y para

keto, y mustra e titular di Husticia cu aki tin cosnan cu mester cambia y ban
wak kico realmente kico ta e programa di Husticia, pa loke e titular di Husticia a
bin ta haci ultimamente.

A yega momento pa reflexiona pa tanto e gobierno, e Parlamento y e titular di
Husticia, e mando policial den su totalidad, ban evalua y analisa kico mester

wordo cambia. Segun Sr. Lacle, Cuerpo Policial di Aruba tin hopi problemanan