Page 7 - AHATA
P. 7
14| DIABIERNA 10 DECEMBER 2021 AWEMainta.com
Den un rato ameno, ATA
a duna agradecimento
na Sra. Glennie Tromp
DIAMARS atardi Minister Dangui Oduber tabata tin e honor
di ta invitado na e despedida di Sra. Glennie Tromp cu a baha cu
pensioen. Ta mas cu 40 aña Sra. Glennie Tromp a dedica na trabou
den gobierno, a traha pa Aruba den exterior, y pa ultimo termina su
carera na Oficina di Turismo di Aruba. Minister Dangui tabata tin
e oportunidad pa duna algun palabra y a expresa hopi aprecio pa e
trabou bunita cu Sra. Glennie Tromp a haci. Empleado loyal y dedica
manera Sra. Glennie Tromp ta fundeshi pa nos dushi isla Aruba por
ta uno exitoso.
Minister a termina deseando Sra. Glennie tur cos bon y cu e goza di
su pensioen bon mereci. Tambe a gradici Sra. Glennie Tromp, den
nomber di Gobierno di Aruba, pa su contribucion na nos dushi Aruba.
TT Sport Lounge cu grandioso 8-Ball
Scotch Doubles pa clausura 2021
FIN di siman aki, diabierna anochi y diasabra atardi,
ta e challenge mas grandi di billiard tagteam pa 2021.
TT Billiards situa na Tanki Leendert lo ta a la "Royal
Rumble". "El Machette" Angelo Tromp y George de
Nobrega cu a titula Campeon di pareha 2020 lo ta
candela. "E Terible di Catiri" Jorge Petrocci den duo cu
Armand "Tik Tok" Ridderstap ta simplemente peligroso.
Aruba su dos Campeonnan Panamericano Aaron "the
Baron" Franken y "D-Gun" Ditto Acosta ta sali for di
"retirement" p’asina mustra un rato ta con ta core rack..
"Mr. B Ranking" Maikel Maduro ta combina cu "Silent
Killer" Patrick Henriquez. Directamente for di Salinja
Serca ta e talentonan di JJ Snack "Super Marc" Farro y
Jorzihno "Sumo Wrestler" Everon. "Straight out of Sero
Colorado" Martin Appeldoorn y "el Presidente" Gunnar
Leonardo. "The Mechanic" Robby Nathu y "El Diablo"
Juan Ridderstap. "Le Kocks" Duty y "El Puma" Ryan.
Otro pareha hoben y talentoso ta Didi D'Angelo Odor
y Marlon "Machine" Tromp. "Duo Dinamico" Herbert
Burne y Jonathan Maduro. David Brete y Pedro la Rosa
"the Barracuda Boys" lo zorg pa drama y for di e pais mas
grandi den billiard Rodenn y Ariel "made in Manila" lo
defende Filipinas. Tene cuenta tambe cu Roukos Tanoury
"El Pequeño Gigante" formando un equipaso.
Un total di 26 hungador a forma 13 pareha te awor.
Solamente tin espacio pa 3 team mas. Whatsapp Jason
na 5644278 of Pasa TT awe mes.
