Page 22 - AM240410

22 COMUNIDAD AWEMainta Diaranson, 10 April 2024

30 aña colaboracion entre Estados Unidos y Hulanda

Den operacionnan contra traficacion di droga marca cu regreso di barco patruyero pa Region Caribe

NA bordo di Zr.Ms. Groningen, Dialuna 8 di April,
a celebra un hecho memorabel importante:
hubileo 30 aña di colaboracion estrecho entre
Estados Unidos y Hulanda riba tereno di lucha

contra traficacion di droga den Region Caribe.
E hubileo a tuma luga na Key West, Florida, na
unda e sede di “Joint Inter Agency Taskforce
South (JIATF-S)’ ta situa.

JIATF-S ta un organisacion unico internacional,
guia pa Estados Unidos, cu ta trece hunto 19 pais
y organisacion, tal manera FBI y DEA, den e lucha

contra criminalidad relata cu droga den Region
Caribe. Marina Real ta hunga un rol crucial den e
organisacion guia pa Estados Unidos.

Hulanda ya pa 30 aña ta forma Task Group 4.4 y
ta provee diferente unidad pa operacionnan anti-
droga. Como Comandante di Forsanan Naval den
Region Caribe Hulandes (C-ZMCARIB) Comader

Walter Hansen ta guia e grupo di tarea.

Comader Hansen ta describi e colaboracion
intensivo como un “bon matrimonio”, den cua e

hubileo di 30 aña ta marca un hecho memorabel
importante. “Transito di droga ta un problema
compleho cu ta rekeri un enfoke internacional”,
segun Comader Hansen.

E regreso di Zr.Ms. Groningen den Region Caribe
Hulandes ta simbolisa e compromiso di Hulanda
den e lucha contra traficacion di droga y criminal-

idad transfronteriso. Asina Defensa ta contribui
na pas y siguridad den Region Caribe Hulandes.