Page 3 - AM230512

Diabierna, 12 Mei 2023 AWEMainta LOCAL 3

Unda e prioridad ta: Santa Cruz of Barcadera

iudadanonan (automobilistanan) cu ta haci
Cuzo di e caminda patras (Barcadera) como
un via alternativo tal sclama pa ayudo. Nan ta
pidi pa drecha e caminda di Barcadera, cu no ta

wordo uza solamente como un via alternativo
pero pa hopi hende yega trabou of nan cas.
Na momento cu ciudadanonan caba di pasa WEB
y sigui pa e caminda di Barcadera ta un dolor di

cabes unda cu e auto ta keda bati, un dolor pa e
shocksnan di tur e vehiculonan aki. E potretnan
hunto cu e articulo aki ta mustra cuanto buraco
a wordo tapa caba. Y momento cu awa yobe pisa,

e parti net despues di WEB ta keda inunda.

Den e area aki te cu Varadero tin dos pida cu
ta horiblemente malo. E prome ta net despues

di WEB unda cu automobilistanan mester core,
hala na banda y e via aki prome cu yega na e
parti bunita drecha ta dura algo mas cu dos
minuut. Despues ta yega na e parti, dilanti DTI,

cu ta renoba pero asina cu caba di pasa edificio
di Arugas, e dolor di cabes ta cuminsa atrobe.

Pues ta dos area unda cu mester di un necesidad

urgente di recap, of mas bien un caminda nobo.
No mester lubida cu e caretera aki hopi decada
atras tabata e via principal cu tabata conecta
Playa cu pariba di brug. A construi esaki rond di

mita di siglo pasa. Pues mas cu cincuenta aña. El
a wanta hopi tempo, pasobra e careteranan di e
temponan aya tabata di bon.

Un miho infrastructura ta necesario pa e area
aki, uza diariamente pa mas cu mil persona. No
mester lubida cu na e parti patras ey tin rond di
500 cas of apartamento, uza door di local y bishi-

tantenan. E ta un caminda uza pa yega General
Aviation, si ta bini di pariba. Pero tambe ta bay pa
negoshinan manera WEB, Arugas, Atco, Balashi
Beer Garden, Crown, agencianan di diferente

producto, Total Cleaning, DTI, Abbatoir, compa-
nianan di huur auto, productornan di diferente
producto, y sin lubida e haf di Barcadera.

Pues un infrastructura adecuado ta importante
pa e sector. E mehoracion di e area aki, segun e
diferente comentarionan ricibi, tabata hopi mas
importante cu e caminda di Sta Cruz, aunke cu a

bisa a wordo ignora ta den miho estado y lo por
a warda sigur un dos aña mas.