Page 20 - Min.TTC Feb 24, 2015
P. 20
32 AWEMainta Diamars, 24 Februari 2015
Gustav Nouel cu un cuadra E PINTOR Gustav Nouel recientemente a
di autor Arubiano desvela na Cas di Aruba un cuadra cu el a traha
ultimamente. Ta trata di un cuadra grandi di e
autor Arubiano internacionalmente conoci Quito
Nicolaas, kende no solamente ta conoci na Aruba y
Hulanda, sino tambe na otro partinan di mundo. E
ta conoci pa su poesianan, novela, cuenta cortico,
ensayo, articulonan y su charlanan encuanto
literatura Arubiano y Caribense. Su obranan a
keda publica den diferente pais, manera e.o.:
Argentina, Albania, Brazil, Canada, Estados
Unidos, Cuba, Corsou, Colombia, China, Italia.
E bunita cuadra aki tabata motibo pa acerca sr.
Nouel pa un entrevista cortico.
Kico a motiva bo pa traha un pintura di e autor QN
“Mi ta pintando un serie di cara cultural di Caribe
en general y di Aruba en particular di esnan cu ta
carga nos cultura y den esaki Quito Nicolaas ta
pas aden. Ademas e logro aki di un escritor yiu di
tera pa ta inclui entre e grandinan den literatura, a
conduci mi persona pa traha e cuadra aki”.
Cual ta e midi di e cuadra?
“E pintura ta un obra di 100x70 cm, riba
hardboard”.
Ki material a uza pa pinta?
“A uza verf Acrylico y mixed media den un cuadro
cu material recicla; p.e. tambe a haci uzo di placa
di papel mula”.
Kico ta e simbolismo cu a uza den e pintura?
“Nos ta mira e autor, nos ta mira un kubus
filosofico, nos ta mira e piedranan di ajedrez
como un ‘wega di bida’ cu ta refleha e autor su
intelectualismo y nos ta mira e Biblia Santo.
E combinacion ta forma un contexto cu
visualmente mester papia pa su mes. Esaki por ser
interpreta libremente segun e bril y conocemento
di e espectador! E interpretacion cu QN duna
n’esaki, t’asina e ta mira su mes y cada hende lo
mira Quito Nicolaas y e pintura, di un manera
diferente”.
Unda e cuadra aki lo ser expone proximo lunanan?
“E pintura nobo aki ta na servicio di Arubahuis pa
mustra esaki na 2015 durante e.o. actividadnan
cultural y Dia di Aruba, manera Departamento
di Cultura di Arubahuis ta desea. Mi por visualisa
cu e destino final di e cuadro aki lo por ta un di
nos museonan, galeria, Biblioteca Nacional, Cas
di Cultura of hasta Ministerio di Cultura. Den un
museo Caribeño, en todo caso, mi ta spera!
Aña pasa ainda e escritor Quito Nicolaas a keda
selecta a base di su multiple publicacionnan, pa
keda inclui den e Encyclopedia di Universidad
di Oxford. Un encyclopedia cu ta contene tur
e escritornan di taya mayor di Africa, America
Latina y Caribe. Aplicando un criterio stricto a
yega na escoge sr. Nicolaas pa ta un di e autornan
di Caribe pa aparece den e buki aki. E autor mes a
keda sumamente contento cu e obra artistico di e
pintor Nouel.
No ta di prome biaha cu un pintor ta bin riba e idea
pa inmortalisa sr. Quito Nicolaas. Anteriormente
na 2010 e pintor Nicolas Potter a traha un
cuadra di e autor, cual por ser mira via di e link
aki riba Google http://2.bp.blogspot.com/
WVu8iGQjRo8/T8py2GiuLI/AAAAAAAARmg/
fV4AL6T1aSk/s1600/Quito+Nicolaas.jpg E
potret aki a ser traha riba encargo special di e
Werkgroep Caribische Letteren na Leiden. Por
bishita e website di Gustav Nouel via http://
www.gustavenouel.com/ pa admira e coleccion
di cuadranan cu el a pinta durante añanan.
Gustav Nouel cu un cuadra E PINTOR Gustav Nouel recientemente a
di autor Arubiano desvela na Cas di Aruba un cuadra cu el a traha
ultimamente. Ta trata di un cuadra grandi di e
autor Arubiano internacionalmente conoci Quito
Nicolaas, kende no solamente ta conoci na Aruba y
Hulanda, sino tambe na otro partinan di mundo. E
ta conoci pa su poesianan, novela, cuenta cortico,
ensayo, articulonan y su charlanan encuanto
literatura Arubiano y Caribense. Su obranan a
keda publica den diferente pais, manera e.o.:
Argentina, Albania, Brazil, Canada, Estados
Unidos, Cuba, Corsou, Colombia, China, Italia.
E bunita cuadra aki tabata motibo pa acerca sr.
Nouel pa un entrevista cortico.
Kico a motiva bo pa traha un pintura di e autor QN
“Mi ta pintando un serie di cara cultural di Caribe
en general y di Aruba en particular di esnan cu ta
carga nos cultura y den esaki Quito Nicolaas ta
pas aden. Ademas e logro aki di un escritor yiu di
tera pa ta inclui entre e grandinan den literatura, a
conduci mi persona pa traha e cuadra aki”.
Cual ta e midi di e cuadra?
“E pintura ta un obra di 100x70 cm, riba
hardboard”.
Ki material a uza pa pinta?
“A uza verf Acrylico y mixed media den un cuadro
cu material recicla; p.e. tambe a haci uzo di placa
di papel mula”.
Kico ta e simbolismo cu a uza den e pintura?
“Nos ta mira e autor, nos ta mira un kubus
filosofico, nos ta mira e piedranan di ajedrez
como un ‘wega di bida’ cu ta refleha e autor su
intelectualismo y nos ta mira e Biblia Santo.
E combinacion ta forma un contexto cu
visualmente mester papia pa su mes. Esaki por ser
interpreta libremente segun e bril y conocemento
di e espectador! E interpretacion cu QN duna
n’esaki, t’asina e ta mira su mes y cada hende lo
mira Quito Nicolaas y e pintura, di un manera
diferente”.
Unda e cuadra aki lo ser expone proximo lunanan?
“E pintura nobo aki ta na servicio di Arubahuis pa
mustra esaki na 2015 durante e.o. actividadnan
cultural y Dia di Aruba, manera Departamento
di Cultura di Arubahuis ta desea. Mi por visualisa
cu e destino final di e cuadro aki lo por ta un di
nos museonan, galeria, Biblioteca Nacional, Cas
di Cultura of hasta Ministerio di Cultura. Den un
museo Caribeño, en todo caso, mi ta spera!
Aña pasa ainda e escritor Quito Nicolaas a keda
selecta a base di su multiple publicacionnan, pa
keda inclui den e Encyclopedia di Universidad
di Oxford. Un encyclopedia cu ta contene tur
e escritornan di taya mayor di Africa, America
Latina y Caribe. Aplicando un criterio stricto a
yega na escoge sr. Nicolaas pa ta un di e autornan
di Caribe pa aparece den e buki aki. E autor mes a
keda sumamente contento cu e obra artistico di e
pintor Nouel.
No ta di prome biaha cu un pintor ta bin riba e idea
pa inmortalisa sr. Quito Nicolaas. Anteriormente
na 2010 e pintor Nicolas Potter a traha un
cuadra di e autor, cual por ser mira via di e link
aki riba Google http://2.bp.blogspot.com/
WVu8iGQjRo8/T8py2GiuLI/AAAAAAAARmg/
fV4AL6T1aSk/s1600/Quito+Nicolaas.jpg E
potret aki a ser traha riba encargo special di e
Werkgroep Caribische Letteren na Leiden. Por
bishita e website di Gustav Nouel via http://
www.gustavenouel.com/ pa admira e coleccion
di cuadranan cu el a pinta durante añanan.
