Page 9 - HOH

Diabierna 24 di Juni 2022

LOCAL
Ortodontista nobo apunta na luga di Kawaiah

E contract entre AZV y ortodontista A. Kawaiah a wordo
termina pa motibo cu e no a haya Decreto Ministerial
nobo pa por sigui traha na Aruba.

E intencion ta cu entrante 1 di juli tin un ortodontista
nobo, señor Jesús Enrique Gualdrón Escalona. E ta un
ortodontista cu a specialisa na Universdad El Bosque na
Bogotá. E tin 39 aña di edad y ta domina Papiamento.

Aseguradonan di AZV cu tabata cerca Dr. A. Kawaiah (cu
machtiging valido) lo wordo traspasa pa servicio cerca
dje. Nan lo wordo informa riba corto plazo con e traspaso
di Dr. Kawaiah pa Dr. Gualdrón lo tuma lugar. Dr Gualdrón
Escalona ta bay traha na Vital OMS Dental Clinic NV. na
Boegoeroei 49B (banda di SaveMore).
Aruba Bank ta reconoce su

empleado superior pa luna di mei

Pa Aruba Bank e empleado
ta central ora di priminti e
clientenan “Un Experencia
Superior”. Cu esaki den
mente Aruba Bank ta
nomina un empleado
ehemplar tur luna.
E empleado cu ta escohi ta esun cu durante di e luna a haci
su maximo esfuerzo pa brinda momentonan superior na tur
esnan cu bishita Aruba Bank of haci uzo di un manera of
otro di un servicio di banco.

Jacqueline Lopez a ser seleciona durante di luna di mei pa
brinda servicio superior na clientenan. Su profesionalismo
y dedicacion a haci cu ela wordo nomina y reconoci como
un empleado superior.

Aruba Bank ta felicita y gradici tur e miembronan di
e famia di Aruba Bank cu a wordo nomina pa yuda
brinda tur cliente “Un Experiencia Superior”. Pabien
Jacky!

5