Page 85 - JUS APRIL 14

comentario di diferente grupo. Hasta esnan cu kier pasa pa experto a duna comentario. Ta e caso
caminda pa algun luna caba un tata Reginald Danies ta acusa e homber Juancho Tromp di a mishi cu su
dos yiu muher.

Keho a wordo entrega y e tata mes a graba e muchanan manera un interogacion. Autoridad a traha riba e
caso aki y a entrega tur cos na Ministerio Publico. Lunanan a pasa y nada a sosode. E tata Reginald
Danies a cuminsa sinti cu no tin husticia. Asina a cuminsa susha tur caminda cu spuitbus usando palabra
Pedofiel. E tabata busca atencion y kizas pone presion pa asina sera Juancho kende e ta acusa di a comete
actonan inmoral cu su yiu. Diaranzon marduga el a spuit tambe riba muraya di VNO cu ta
representantenan di Hulanda na Aruba. Reginald mes ta admiti di ta cometiendo e actonan aki. E kier
atencion pa su caso. Tur e sushamento di muraya, cabay y otro areanan no a yuda pa asina nan detene. E
ultimo aki na VNO si a conduci na su detencion. Mirando e vandalismo cu e ta cometiendo a bay over na
detencion. E fiscal Femenino mr. Kardol ta esun cu a duna ordo di detencion pa Reginald Danies. Ta
mesun fiscal cu tin tambe e caso di Juancho Tromp pa tuma decision riba dje. Despues di orden di
detencion pa Reginald Danies, e mesun fiscal Kardol finalmente a dicidi cu tin suficiente prueba pa por
laga busca tambe Juancho Tromp. Esey a sosode tambe. Ya caba Juancho Tromp tabata sinti cu su
detencion lo bay bin un ora pa otro. Esey ta loke a sosode y pesey e tabata tin ya caba combersacion cu su
abogado. El a prepara su mes pa momento cu e keda deteni. Tin un of mas keho contra dje. Unico
remarke cu por a sinti di autoridad ta e daño cu Reginald Danies mes por a causa na henter e caso. E
comportacion y actuacion ta bay causa cu e castigo cu huez lo por impone lo por bira menos contra
Juancho si resulta cu e ta culpable. E grabacion tambe cu Reginald tin claramente por sinti cu e
muchanan tabata wordo forza pa papia. Tur e cosnan aki ta situacionnan cu por traha negativamente den
henter e caso contra un posibel acusado. Awor Juancho ta sera y mester pasa den e proceso di
interogacion. Pa loke ta Reginald Danies, e mesun atardi diaranzon el a wordo laga den libertad. Nan kier
a atende cune y hala su atencion riba e comportacion ultimo tempo aki causando vandalismo riba
propiedad di hende.

Polis a detene sospechoso den caso di abuso di muc

Wednesday, 13 April 2016 19:00
Comparti

Riba ordo di Ministerio Publico, awe tardi recherchenan di Jeugd en Zeden Politie a detene e homber
sospecha di lo a abusa di un of mas menor di edad.
Su detencion ta basa riba e investigacion andando den su contra. Na mes momento Polis a detene e tata
di e victima tambe, relaciona cu vandalismo. Despues di a tuma su declaracion y splik'e riba e
consecuencianan di su acto, a lag'e bek den libertad.

```