Page 8 - ATA 7 MAART 2016

30 AWEMainta Dialuna, 07 Maart 2016

Streetcarnan
a contribui na
embeyecemento
di centro di
ciudad

SR. ALVARO Villa, CEO di TIG/m cu ta e compania

cu a desaroya y construi e streetcarnan cu ta core na
Aruba, ta un par di dia na Aruba pa guia e proceso pa
caba cu e trabounan riba e ultimo streetcar cu a yega
Aruba algun siman pasa.

Esaki pasobra cu e streetcar ta yega completo aki, pero
semper ta keda trabounan di ensamblahe pa haci.
Mientrastanto e ultimo streetcar a wordo inspecciona y
ta cla pa subi caya. E streetcar aki cu ta un ‘double decker’
tin luga pa mas di 70 hende sinta den dj’e. Mescos cu e
otronan e ta un vehiculo atractivo.

Villa ta splica cu e proyecto a resulta di ta uno formidabel
mirando su funcion aki na Aruba y tambe con el a haya
atencion na varios parti di mundo. Su compania ta
construyendo awor tres streetcar pa Qatar.
Na Aruba e streetcarnan ta cuminsa core desde 8’or di
mainta te cu 6’or di atardi y mayoria biaha nan ta yen.

“Ora tin barco aden nan ta semper yen”, Villa, kende
ta stima Aruba y su hendenan, a bisa indicando cu e
metanan pa a trece e streetcarnan Aruba a keda cumpli.
Pa si den futuro mester surgi cualkier problema cu
funcionamento di e streetcarnan, e compania ta keda
dispuesto pa yuda y tambe den mantencion nan ta keda
duna un man. Cu e streetcarnan Gobierno di Aruba, cu
nan inicio a haya bastante critica, a trece un atraccion
extra den centro di ciudad.
Unda antes tabatin deterioro, destruccion, un centro
di adicto y un comercio na suela, awe por mira un caya
grandi cu e grandesa di un dama elegante, bunita den
tur sentido di palabra. Caya grandi a haya un bida bek.

#1 Online