Page 19 - AHATA
P. 19
ARUBA TOURISM
AUTHORITY TA LAMENTA
VANDALISMO CU A SUCEDE
DEN FIN DI SIMAN
editor
POSTED ON DECEMBER 19, 2017, 5:18 PM
22 SECS
POST VIEWS: 5
ORANJESTAD, Aruba
Oficina di Turismo Aruba (A.T.A.) ta para pa principio di libertad di expresion como parti di un
sociedad democratico. Sinembargo ta condena, mescos cu mayoria di nos comunidad, e vandalismo
di luganan publico y propiedad priva cu a ripiti den fin di siman.
Na varios lugarnan por a tuma nota di graffitti na luganan visibel pa nos bishitantenan. Esaki sigur no
ta e solucion pa e retonan cu nos ta enfrenta como sociedad. Nan ta haci mas malo cu bon y ta duna
un impresion robes na nos bishitantenan. Sin lubida e disgusto cu esaki ta trece cu ne den nos
comunidad.
Ta pidi encarecidamente pa esun(nan) responsabel di e actonan aki reconsidera riba e manera con
kier pone atencion riba un of otro topico. No destrui loke, pa decadanan largo, varios di nos
generacionnan, a traha duro p’e. Laga nos ban cuida nos atraccionan y sigui enfoca e cordialidad di
nos pueblo cu nos ta asina conoci pe.
