Page 4 - Solo Di Pueblo
P. 4
Pagina 20 Dialuna 2 November 2015
Solo di Pueblo... Deporte...
Arubiano Bjorn Hart a haci apertura di e prome Cruyff
Court di Koninklijke Kentalis na Zoetermeer, Hulanda
Recientemente a tuma lugar un apertura official na
Hulanda di un cancha di voetbal pa e school Koninklijke
Kentalis. Bjorn tabata ex-alumuno di e school Koninklijke
Kentalis y tabata hunga tambe den Dovenelftal di voetbal
Hulandes. Koninklijke Kentalis conhuntamente cu Cruyff
Foundation a percura pa e cancha aki por a keda realiza.
Durante e apertura tabata presente Wethouder Robin
Paalvast, presidente di Cruyff Foundation Niels Meijer
y Director di Koninklijke kentalis. E meta di Cruyff
Foundation ta pa habri veld di voetbal den diferente
bario na Hulanda, pa stimula hobennan pa haci deporte.
Cu e cancha na Koninklijke kentalis ta bira di 34 cancha
cu Cruyff Foundation ta inaugura. Totaal tin 204 Cruyff
Court rond mundo cu a keda realisa kaba. Despues di
e apertura tabata tin un encuentro di voetbal entre e
hoben nan di e school. Nos a compronde cu Bjorn Hart
lo bay wordo invita door di Cruyff Foundation pa habri
mas cancha di voetbal na Hulanda. Cu esaki sigur ta
un reconocimento pa e hoben Arubiano pa su talento
na Hulanda. E apertura oficial aki a wordo publica den
diferente media na Hulanda.
