Page 59 - HOSPITAAL
P. 59
trahadonan ta exigi pa sr. Staring duna full su cooperacion pa bay cas y no stroba e
investigacion imparcial di un doorlichtingscommissie. Na final di cuenta loke ta desea ta
lo siguiente:
Sr. Staring a nace y lanta na un pais organisa cu yama Hulanda. Eynan na e momento cu
un hende cu tin un posicion clave den gobierno, perde confiansa pa e por eherce su
profesion, e ta entrega su retiro.
Sr. Staring, trahadonan di DESPA no tin confiansa mas. Minister y gobierno no tin
confiansa mas. Pueblo no tin confiansa mas. Tene honor na bo mes y baha for di e puesto
di director di salud publico.
Esey ta loke e trahadonan ta pidi. Ta di spera cu e no mester yega te na e punto cu nan
mester exigi esaki. Mirando si loke a pasa den pasado, e trahadonan ta warda riba un
contesta oficial, no mas tarda cu diahuebs, 12 di Juli 2018, 10’or di mainta. Ta spera cu
por haya un contesta positivo prome cu e fecha y orario aki.
Por ultimo den e pais aki cu nos ta baas den nos mesun cas, e pais cu tin e lema cu ta
prefera di muri riba pia cu biba na rudia, a yega awe e expresion di nos pueblo pa e amor
pa libertad. E trahadonan lo lucha te final pa e amor aki y e amor pa nos baranca tan
stima. Si sr. Staring tin e amor ey tambe pa nos pueblo y respet pa nos balornan, haci lo
corecto y duna e trahadonan atrobe nan libertad.
A papia, trahadonan di Departamento di Salud Publico y ciudadanonan di nos pueblo di
Aruba.
E manifesto a wordo entrega na e management team dilanti di Departamento di Salud
Publico.
