Page 24 - AWM 17MARCH2018
P. 24
24 AWEMainta Diasabra, 17 Maart 2018
“E Perla di Caribe”
Autor: Omaira I.Rodriguez-Britten
Cu mi pen den man mi ta bai conta
parti di mi Isla Aruba cu mi ta corda
Un solo cayente y biento cu ta supla
ta duna mi inspirasion pa continua
A cuminsa na Westpunt cu mi paseo
pa a drenta Nort unda a sinti e deseo
pa bebe un bon coffie cola y drigidek
y despues ta pasa Ponton y bolbe bek.
Drentando Tanki Flip pa sigui e ruta
asina den cada districto ta encontra
e cariño di un pueblo hopi humilde
cla pa combersa y ricibi tur presente.
Cu e sonrisa amabel di un Arubiano
ta sigui pa Paradera unda drentando
den Sta Cruz pasa bay pa Pos Chikito
yegando Savaneta curason contento.
Con e cunukero ta planta su cosecha
asina dushi come un bon pisca hasa
cu su pan di maishi rabo cla prepara
of su bola di funchi cu su keshi raspa.
Despues drenta San Nicolas pa ricibi
un Seroe Colorado cu mannan habri
biniendo pabou y pasa pa por gradici
Papa Dios pa nan gesto y bon atendi.
Sabroso Johnny cake cu su bacalou
barica yen ta sigui cu e rumbo pabou
cumindando tur hende y felis a keda
siguiendo asina pa bay otro caminda.
Recorda aki na Aruba nos si ta gosa
asina a yega Oranjestad tur cansa
mirando un pueblo uni cu ta disfruta
e regalo di Papa Dios pa asina conta.
Con un Isla chikito cu yama Aruba
tin hende amabel cu ta duna e Amor
pa wordo yama “ E Perla den Caribe.”
