Page 51 - MIN ARENDS

experiencia riba e tereno social cu ta cubri 30 aña y actualmente ta dirigi exitosamente e
Centro pa Desaroyo di Hende Muhe (CEDEHM).

Den su video Brown ta splica e motibo pakico el a scoge di afilia na AVP bisando: “Ami ta
biba riba mi isla; mi ta mira e progreso cu mi pais tin y mi kier duna mi aporte tambe.” El a

declara di sa, danki na su trabou, kico ta e problemanan cu ta biba den nos comunidad paso
el a sinta y tene man di hopi di esnan pasando aden. “Mi kier pa boso sotenemi den e lucha

pa sigui yuda mi pais progresa.”

E candidato nobo a indica cu e ta para y lo traha den e futuro gobernacion di AVP pa
mamanan soltero cu no sa ki caminda pa tuma, yudando nan pa tuma e decisionnan
corecto cu lo hiba nan na un futuro miho. Brown tambe ta inclui den su agenda di

prioridadnan di nos grandinan. Un grupo cu hopi biaha ta keda lubida pa nan yiunan, pero
pa kende mester sigui pa crea espacionan safe y brinda un trato humano.

Partido di Pueblo Arubano AVP ta yama, cu hopi orguyo, bon bini na Sra. Sandra Brown riba
e lista victorioso di e partido. Bin apoya Sandra y tur e otro candidatonan diabierna awo pa

entrega di lista. Lo reuni ya for di merdia riba veld di cricket pa asina hunto marcha bay
Censo pa haci entrega oficial.