Page 75 - MIN ARENDS

Si awor aki ta relevante cu dos partido, encabesa pa hendenan cu basta experiencia, a uni

bandera di cada partido un banda y pone e bandera di Aruba na prome luga, pa asina

brinda e pueblo aki un alternativa real, unda cu programanan, unda cu sigur sigur

populismo no ta hunga un rol, pero cosnan realisabel, unda cu ta kere cu pueblo di Aruba

lo beneficia cu esaki. Reunionnan cu a hiba cu PPA a bay sumamente positivo. Ya caba

na prome instante cu a sinta, a nota cu nan a ripara cu nan bista tabata den un direccion.

cual ta Aruba. Aruba tin mester di un grupo di hende cu experiencia. E combinacion di e
dos partidonan aki no lo sirbi solamente nos hobennan, nos grandinan, pero henter pueblo

di Aruba, ofrece un porvenir y programa cu ta na beneficio y bienestar di e comunidad.

Sigur aki poco dia lo tende e dos dinosaurionan lo cera cabes cu lo traha na bienestar di e

pais aki.

Mireille St. Jago di su banda a splica cu e unico cos cu ta conta ta pa salba Aruba. Trece

un Gobernacion pa pueblo di Aruba. E ta uno cu ta bay husto, cu lo yuda e pais yega riba

su pianan bek.

Siman pasa el a retira for di MEP cu su motibonan ya conoci. El a acepta e reto despues

di combersacion cu ambos partido. E hecho cu e dos partidonan a dicidi di uni, ta un

punto cu e mes a uza pa uni su mes na dje. A pasa den programa di ambos partido y a

dicidi cu e lo uni forsa cu UPP y PPA. E ta contento cu Booshi Wever a brind’e e

oportunidad y ta haya tur como pueblo di Aruba uni cu e hecho aki cu tin oportunidad pa

un coalicion y cu esey lo salba Aruba den tur manera.

St. Jago ta na altura di tur cos cu el a bisa siman pasa. Awor aki ta laga tur cos cu a pasa

den pasado un banda, St. Jago a expresa.