Page 12 - AM201230
P. 12
12 AWEMainta Diaranson, 30 December 2020
Preke un biaha mas, pero e biaha aki
Preke seriamente maltrata mey-mey
caminda na Buena Vista dor di Patricio
DIALUNA atardi pa mas o menos 4’or Polis a bay den e bocht
di Buena Vista unda cu auto lo a dal un persona. Na yegada di
Polis di Trafico, a resulta cu auto no a dal ningun persona.
A bin resulta cu tabata trata di un caso di maltrato, unda cu e
victima t’e conocido Preke.
Na stuur tabata un otro persona conoci di Husticia.
Na banda di caminda tabatin un pick up para. Algun persona
cu a bira e testigonan clave tabata den nan auto, y birando e
bocht a tuma nota di un maltrato pisa mey-mey di caminda.
Segun e testigonan, e homber P. t’e chauffeur cu tabata dal/bati
Preke manera ta un popchi e tabata.
Preke cu ta un persona cu hopi delega lo a haya basta golpi y
kap serio na cabes. Esaki a bira motibo suficiente pa detene e
chauffeur P. pa maltrato. Den baki di e pick up tabatin un boter
di e bebida Night Train y tambe na banda di caminda un otro
boter di Night Train buta abou.
Loke por a pasa ta cu durante P. tabata hibando Preke cas,
problema a start den auto, y debi cu ambos ta bou influencia. P.
a dicidi di para e auto na banda di caminda y maltrata Preke.
Ambulance a yegada y pa algun minuut a sera caminda p’e
Paramediconan por a atende Preke y lante for di caminda.
Mientrastanto a pidi transportwagen di Santa Cruz cu a pre-
senta pa hiba P.T. warda unda e lo wordo presenta dilanti un
Sub Fiscal cu lo determina kico lo bay pasa cu su libertad.
