Page 30 - AM201230

MetaCorp AWEMainta 2020 MetaCorp

Oportunidad for di necesidad: ATCO Concrete

Ora cu MetaCorp a expande pa e negoshi di hotel
cu e desaroyo di e Sonesta Hotel, Mall & Casino,
e suministro di concreet riba e isla no tabata
esun di mas adecua. Esaki a hiba MetaCorp na
cumpra un planta portable di concreet ready-mix
pa yena e bashi y sigura cu su mesun proyecto
di construccion tabatin un fuente confiabel di
material na un bon prijs.
Inmediatamente despues cu a cumpra e planta, a
bira conoce cu otro hotel nobo tabata riba mesa
pa e area di Palm Beach y tambe tabatin pensa
di bin cu su mesun planta di ready-mix. E recien
estableci ATCO Concrete a acerca e contratista
principal encarga cu e proyecto di Hyatt Regency
y a propone pa nan usa e ekipo di ATCO pa
suministra concreet na ambos proyecto. E ekipo
di Hyatt Regency a bay di acuerdo cu e condicion
cu e planta ta instala riba e tereno cu mas laat a
bira nan parkeerplaats. E acuerdo aki a pone un
base firme for di cual ATCO Concrete a crece
y bira e compania mas grandi di ready-mix na
Aruba. Awe e ta un di e subsidiarionan mas conoci
di MetaCorp y ta bou maneho di Shon Eddy su
bisanieto, Richard de Veer hunto cu Operations
Manager, Ingolf Schaedlich.