Page 37 - AM201230
P. 37
AWEMainta 2020 MetaCorp AWEMainta 2020
A asumi e reto pa ricibi realeza
E frase famoso ta bisa cu ‘Cliente Ta Rey’,
pero den e caso di hotelnan di MetaCorp, e
prome bishita Real na e propiedad, realmente
a pone esaki na prueba. Tabata na 1999, den e
top di popularidad di Sonesta Beach Resort
ora cu yamada a drenta pa ricibi Su Mahestad
Reina Beatriz y Prins Claus. Normalmente, algo
asina ta cuidadosamente prepara y coordina cu
simannan di anticipacion, pero den e caso aki,
tabata solamente 48 ora prome cu nan yegada.
Originalmente e pareha Real tabata planea pa
hospeda na Marriott cu tabata un propiedad di
Gobierno Hulandes e tempo ey. Sin embargo,
mester a hala e fecha di yegada na Aruba pa
mas trempan dor di un tormenta cu tabata strobe
nan bishita na Sint Maarten. Marriott no tabatin
luga pa e fechanan nobo aki, y Sonesta a haya e
peticion.
De facto, Sonesta tampoco tabatin luga, pero fiel
na e spirito di determinacion di famia de Veer, e
ekipo di Metacorp a haci’e toch posibel. E honor
di ta anfitrion pa Famia Real ta un honor cu e
hotel no por a laga pasa, na mesun momento cu
ta duna e propiedad distincion y renombre.
Den apenas 48 ora, e personal di e hotel a
aloca algun di su huespednan y a remodela
completamente un set di suites y cambernan pa
acomoda e Pareha Real y nan delegacion. Cu
tur protocolnan di seguridad na nan luga, Su
Mahestad Reina Beatriz y su entourage a disfruta
di un estadia perfecto na Sonesta.
Na momento di su despedida, gerencia a purba
di pidi disculpa di no por a drecha e cambernan
ainda mas dor di e tempo cortico cu tabatin pa
prepara, pero Su Mahestad Reina Beatriz a nenga
e disculpa bisando cu e tabata completamente
satisfecho y e pareha a disfruta di nan estadia. E
empleadonan di e hotel, manera tabata di spera,
tabata sumamente orguyoso di nan logro y e
honor di a sirbi e Realeza.
Poco despues di e ceremonia di reapertura na
2002, bou e nomber di Renaissance Aruba, e hotel
a bolbe ricibi miembronan di Realeza Europeo y
famia Real Hulandes den persona di Prins Albert
di Monaco y Prins Pieter-Christian di Hulanda.
Seis luna despues di nan bruid, e tempo ey, Prins
Willem y Prinses Maxima tambe a hospeda na
Sonesta durante nan bishita na Aruba.
Otro dignatarionan cu e hotel tabatin e honor
di a fungi como anfitrion ta ex President di
Union Sovietico y ganador di Premio Nobel di
Paz, Mikhail Gorbachev. Tambe e activista Sur
Africano di derechonan humano y ex Arzo Bispo
di Kaapstad, Desmond Tutu a hospeda na 2003.
