Page 21 - Min.Jus_Neat

Dowers a inicia cu reunionan pa formalisa e departamento
forensico ortopedagogico

W ednesday, 25 February 2015 17:57
Comparti

Diaranson merdia Minister di Husticia Arthur Dowers a reuni cu diferente experto riba comportacion di
hobennan cu problema di conducta na centro orthopedagogico na Dakota.
Esaki ta e prome reunion den e setting di centro orthopedagogico nobo caminda cu ta papiando riba e
futuro di e organisacion aki y di e inicio di e departamento forensico orthopedagogico. E departamento
aki ta sumamente importante, mirando e cantidad di reto y problemanan cu tin den sociedad pa loke ta
trata hobennan cu problema di conducta. Ta un problema cu ta existi hopi aña caba, pero nunca tabatin e
instrumentonan adecua ni tampoco e cantidad di persona califica cu awor ta disponibel na pais Aruba
mes. No ta tur ta trahando den e departamentonan di husticia pero den diferente departamento den
gobierno. Den algun siman e commision lo traha un rapport caminda cu nan lo duna e presentacion di e
departamento aki caminda cu hobennan cu ta bin den contacto cu husticia por wordo treci pa haya un
diagnosticacion di nan problema. E cos mas importante ta caminda cu por traha un plan pa trata e
hobennan aki, pa preveni cu nan ta bira mas pio cu nan ta. Tin hopi hoben cu a perde e oportunidad pa
haya un desaroyo sano. E dedicacion y entusiasmo cu tin pa hopi aña serca esnan cu ta labora na centro
orthopedagogico ta bai hasi esaki uno exitoso tanto na e bienestar di e menor di edad y e comunidad en
general. Na e momentonan aki no tin e presupuesto completo pa esaki, pero lo bai haci un esfuerso
grandi na tur departamento pa duna un contribucion. Minister Dowers ta optimista cu esaki lo por
keda realisa dentro di un luna, esta na final di maart na momento cu e facilidad keda entrega na
gobierno cu e ora ey tur instrumento mester ta presente pa por cuminsa atende cu hobennnan cu ta bin
den problema cu husticia. Ta trata aki di hobennan di un averahe di 12 aña di edad, tambe tin hobennan
mas hoben cu esaki, cu hopi bes no ta wordo manteni largo den detencion pa polis, lo por haya e trato
corespondiente den e facilidad aki. Si tin necesidad di cambia ley lo haci esaki, pa asina ta mas facil pa
por admiti e hobennan aki pa asina nan wordo diagnostica y haña e tratamento adecuado.

http://www.24ora.com/politica-mainmenu-18/92228-minister-dowers-a-inicia-cu-reunionan-pa-
formalisa-e-departamento-forensico-ortopedagogico-den-centro-orthopedagogico

Mervin Ras: Tin cu condena abuso di mucha y sigui mehora
guia & prevencion

W ednesday, 25 February 2015 21:46
Comparti